Accessibility links

فریاد ڕه‌واندزی باس له‌ دوا پـێشـهاته‌كانی ناو عێراق ده‌كات


فریاد ڕه‌واندزی ده‌مڕاستی هاوپه‌یمانێتی كوردسـتان له‌ په‌رله‌مانی عێراق ڕۆژی شه‌ممه‌ له‌ میانه‌ی سه‌ردانی بۆ ده‌نگی ئه‌مریكا هاوكارمان به‌ڵێن سـاڵح چاوپـێـكه‌وتنێـكی له‌گه‌ڵدا سـازكرد.

سه‌ره‌تا فریاد ڕه‌واندزی باسی له‌ پـرۆسه‌ی ئاشـتبوونه‌وه‌ی نیشـتیمانی ناو‌ عێراقی كرد و گوتی پـرۆسه‌كه‌ به‌ شـێوه‌یه‌كی گشتی پـێـشكه‌وتنی زۆری به‌ده‌سـتهێناوه‌، وه‌ ئێسـتا به‌ به‌راورد به‌ سـاڵێـك له‌مه‌وبه‌ر كه‌ش‌وهه‌وای سـیاسی له‌ عێراقدا باشـترێـكه‌. پاشـان باسی له‌ كۆسپ و ته‌گه‌ره‌كانی به‌رده‌م گه‌یشتن به‌ ڕێـكه‌وتنی سـتراتیژی نێوان عێراق و ئه‌مریكای كرد و گوتی ناكرێت ڕێـكه‌وتنێـك له‌ نێوان دوو وڵاتدا بكرێت ئه‌گه‌ر به‌رژه‌وه‌ندی هاوبه‌شی تیادا نه‌بێت. دواتر باسی له‌ مه‌سه‌له‌ی هه‌مواركردنی ده‌سـتوری عێراق كرد و له‌و باره‌یه‌وه‌ گوتی من ئه‌ندامم له‌ لیژنه‌ی هه‌مواركردنی ده‌ستوردا و تاكو ئێسـتا نزیكه‌ی 55 به‌ندی ده‌سـتور گۆڕانكاریمان تیادا كردووه‌ یان لامان داوه‌ یان گواسـتومانه‌ته‌وه‌ یان به‌ شـێوه‌یه‌ك دامانڕشـتۆته‌وه‌ كه‌ هه‌موو لایه‌نه‌كان په‌سه‌ندی بكه‌ن. به‌ڵام گوتیشی له‌گه‌ڵ ئه‌مه‌شـدا 5 به‌ندی سه‌ره‌كی هه‌ن مشتومڕی سـیاسیـیان له‌سه‌ره‌ و لێژنه‌كه‌مان نه‌یتوانیوه‌ چاره‌سه‌ریان بۆ بدۆزێته‌وه‌، به‌ تیابه‌تی به‌ندی 41 كه‌ په‌یوه‌نده‌ به‌ كاروباری كۆمه‌ڵایه‌تیـیه‌وه‌ هه‌یه‌ و هه‌روه‌ها به‌ندی 140 و به‌ شێوه‌یه‌كی سه‌ره‌كی مه‌سه‌له‌ی كه‌ركوك.

ده‌توانن گوێبیسـتی ده‌قی گفتوگۆكه‌ بن له‌ ڕێـگه‌ی كلیـكـكردنی ئه‌و فایله‌ ده‌نـگیـیه‌ی سه‌ره‌وه‌، ماوه‌كه‌ی 20:55 خوله‌كه‌.

بابه‌تی په‌یوه‌ندیدار

XS
SM
MD
LG