Accessibility links

له‌ ئه‌نجامی هێرشێـكی خۆكوژی له‌ عێراق سه‌ربازێـكی ئه‌مریكایی ده‌كوژرێت و 18 ی تریش بریندارده‌بن


كاربه‌ده‌سـتانی ئه‌مه‌ریكی و عێراقی ده‌ڵێن له‌ ئه‌نجامی ته‌قینه‌وه‌یه‌كی خۆكوژی له‌ بنكه‌یه‌كی له‌شـكری له‌ باكوری عێراق سه‌ربازێـكی ئه‌مریكایی كوژراوه‌ و 18 ی تریش برینداربوون.

ڕۆژی یه‌كشه‌ممه‌ هێرشـبه‌ره‌كه‌ لۆریـیه‌كه‌ی له‌ نزیـك بنكه‌یه‌كی پاسه‌وانی له‌ شـاری ڕه‌شـاد له‌ كه‌ركوك ته‌قانده‌وه‌. هه‌روه‌ها 2 قۆنته‌راتچی عێراقیش له‌م هێرشه‌دا برینداربوون. جێی به‌بیرهێنانه‌وه‌یه‌ چه‌كداران ڕۆژی چوارشه‌ممه‌ 3 سه‌ربازی ئه‌مریكایی‌یان له‌ هه‌مان شـاردا كوشـتووه‌.

كاربه‌ده‌سـته‌ عێراقیـیه‌كان ده‌شڵێن له‌ ئه‌نجامی چه‌ند هێرشێـكی تر له‌و وڵاته‌دا 12 عێراقی ڕۆژی یه‌كشه‌ممه‌ كوژران. له‌ ڕووداوێـكیاندا 5 شوان له‌ خۆرهه‌ڵاتی به‌غدا ته‌قه‌یان لێـكرا و كوژران.

له‌ ڕووداوێـكی تردا بۆمبێـك له‌ ده‌ره‌وه‌ی بنكه‌یه‌كی پـۆلیس له‌ خۆرئاوای به‌غدا ته‌قیـیه‌وه‌ و له‌ ئه‌نجامدا 4 پـۆلیس كوژران و 23 كه‌سی دیكه‌ برینداربوون.

سه‌باره‌ت به‌ هێرشه‌كه‌ی ڕه‌شـاد په‌یامنێری ده‌نگی ئه‌مریكا یه‌حیا به‌رزنجی له‌ شـاری كه‌ركوكه‌وه‌ ڕاپـۆرتی ناردووه‌، ده‌توانن گوێبیسـتی بن له‌ ڕێـگه‌ی كلیـكـكردنی ئه‌و فایله‌ ده‌نـگیـیه‌ی سه‌ره‌وه‌، ماوه‌كه‌ی 1:25 خوله‌كه‌.

XS
SM
MD
LG