Accessibility links

وه‌زیری وزه‌ی ئه‌مریكا داوای نه‌هێشـتنی كۆمه‌كی حكومی بۆ به‌هاكانی سووته‌مه‌نی ده‌كات


وه‌زیری وزه‌ی وڵاته‌ یه‌كگرتووه‌كانی ئه‌مریكا ساموئیل بۆدمن ده‌ڵێت كۆمه‌كردنی حكومه‌تی ئه‌مریكا بۆ به‌هاكانی سـووته‌مه‌نی چاره‌سه‌ر نیـیه‌ بۆ به‌رزبوونه‌وه‌ی نرخه‌كانی نه‌وت.

له‌ وته‌كه‌یدا بۆ په‌یامنێران ڕۆژی شه‌ممه‌ له‌ شـاری ئامۆری له‌ ژاپـۆن ناوبراو گوتی هه‌رچه‌نده‌ داواكاری جیهان بۆ نه‌وتی خاو وا هه‌ر ڕوو له‌ هه‌ڵـچوون ده‌كات، به‌ڵام به‌رهه‌می نه‌وتی جیهانی له‌ ماوه‌ی 3 سـاڵی ڕابردوودا گه‌یشـتۆته‌ 85 ملیۆن به‌رمیل نه‌وت له‌ ڕۆژێـكدا.

هاوكات وه‌زیری وزه‌ی ئه‌مریكایی داوای زیادكردنی كارداری بواری وزه‌ی كرد.

ئه‌وه‌ی شـایانی باسه‌ ڕاگه‌یاندنی ئه‌م تێبینی‌یانه‌ی به‌ڕێز ساموئیل به‌ ڕۆژێـك دوای ئه‌وه‌ بوو كه‌ نرخی یه‌ك بۆشـكه‌ نه‌وت له‌ بازاڕی ئاڵوگۆڕی بازرگانی نه‌وت له‌ نیویۆرك گه‌یشـته‌ سه‌رو 139 دۆلار.

XS
SM
MD
LG