Accessibility links

جۆن ئێدواردس پـشـتیوانی له‌ باراك ئۆباما ده‌كات


به‌ربژاری پـێشـووی دیموكرات بۆ سه‌رۆكایه‌تی ئه‌مریكا جۆن ئێدواردس پـشـتیوانی خۆی بۆ باراك ئۆباما ده‌ربڕی له‌پـێناو به‌ده‌سـتهێنانی كاندیدێتی دیموكراته‌كان بۆ پـۆسـتی سه‌رۆكایه‌تی.

ڕۆژی چوارشه‌ممه‌ به‌ڕێز جۆن ئێدواردس له‌ شـاری گراند ڕاپـیدسی سـتانی میشـیگن بۆ ژماره‌یه‌كی زۆری ئاماده‌بووانی ڕاگه‌یاند كه‌ به‌ڕێز ئۆباما باشـترین كاندیده‌ بۆ سـاڕێژكردنی جیاوازیـیه‌كانی چینایه‌تی.

شـایانی باسه‌ هه‌ژاری چه‌قی بابه‌ته‌كانی هه‌ڵمه‌تی هه‌ڵـبژاردنی جۆن ئێدواردس بوو كه‌ له‌ مانگی یه‌كی ڕابردوودا وازی له‌ ڕكه‌به‌ری هێنا پاش هیوابڕان له‌ به‌ده‌سـتهێنانی كاندیدێتی.

هه‌رچه‌نده‌ به‌ڕێز ئێدواردس په‌سنی هێله‌ری كلنتنی ڕكه‌به‌ری ئۆبامای دا، به‌ڵام گوتی كاتی ئه‌وه‌ هاتووه‌ دیموكراته‌كان له‌ ده‌وری یه‌ك كاندید یه‌كبگرن بۆ به‌زاندنی جۆن مه‌ككه‌ین كه‌ چاوه‌ڕوان ده‌كرێت بـبێت به‌ كاندیدی كۆماریـیه‌كان.

XS
SM
MD
LG