Accessibility links

ئێران دووباره‌ ڕاگرتنی پـیتاندنی یۆرانیۆم ڕه‌تده‌كاته‌وه‌


ئێران دووباره‌ ڕاگرتنی چالاكی ناوه‌كی مشـتومڕ له‌سه‌ری خۆی به‌ دور ده‌زانێت، ده‌ڵێت تاران هه‌موو پـێشـنیازێـكی كۆمه‌كی زلهێزانی جیهان ڕه‌تده‌كاته‌وه‌ ئه‌وه‌ی پـێشـێلی مافی پـیتاندنی ناوه‌كی كۆماری ئیسلامی ده‌كات.

محه‌مه‌د عه‌لی حوسه‌ینی وته‌بێژی وه‌زاره‌تی ده‌ره‌وه‌ی ئێرانی ڕۆژی دووشه‌ممه‌ ڕایگه‌یاند حكومه‌تی ئێران تاوتوێی هیچ پـێشـنیازێـكی كۆمه‌كی ڕۆژئاوا ناكات ئه‌و كۆمه‌كانه‌ی كه‌ ده‌ستپـێداگه‌یشتنی تاران به‌ ته‌كنه‌لۆژی ئه‌تۆمیدا سـنووردار ده‌كه‌ن.

ئه‌م تێبینی‌یانه‌ی وته‌بێژی وه‌زاره‌تی ده‌ره‌وه‌ی ئێرانی دوابه‌دوای ئه‌و ڕاگه‌یاندنه‌ی ڕۆژی هه‌ینی ڕابردوو بوو كه‌ سه‌باره‌ت بوو به‌ ڕازیبوونی پـێـنج ئه‌ندامی هه‌میشه‌یی ئه‌نجومه‌نی ئاسایشی نه‌ته‌وه‌ یه‌كگرتووه‌كان و هه‌روه‌ها وڵاتی ئه‌ڵمانیا سه‌باره‌ت به‌ پـێشـكه‌شـكردنی پـێشـنیازی كۆمه‌كی نوێ بۆ تاران له‌ به‌رامبه‌ر ئه‌وه‌ی ئێران پـرۆگرامی پـیتاندنی ناوه‌كی خۆی ڕاگرێت.

ئه‌وه‌ی شـایانی باسه‌ له‌ مانگی شه‌شی سـاڵی 2006 دا شه‌ش وڵاتی به‌ریتانیا و چین و فه‌ره‌نسـا و ڕوسـیا و وڵاته‌ یه‌كگرتووه‌كانی ئه‌مریكا و هه‌روه‌ها ئه‌ڵمانیا كۆمه‌كی ئابوری و دیپـلۆماتیـیان پـێشـكه‌ش به‌ تاران كردبوو به‌و مه‌رجه‌ی ئێران ده‌ستبه‌رداری پـیتاندنی یۆرانیۆم ببێت.

XS
SM
MD
LG