Accessibility links

له‌ ئاكامی ته‌قینه‌وه‌یه‌كی خۆكوژی له‌ سیریلانكا وه‌زیرێـك و 13 كه‌سی تر ده‌كوژرێن


كاربه‌ده‌سـتانی سیریلانكی ده‌ڵێن هێرشێـكی گومان لێـكراوی خۆدكوژی به‌ بۆمب له‌ ده‌ره‌وه‌ی كۆڵۆمبۆ بۆته‌ هۆی كوشـتنی وه‌زیرێـكی باڵا و به‌ لایه‌نی كه‌م 13 كه‌سی تر.

هێرشه‌كه‌ كه‌ بۆته‌ هۆی كوشـتنی وه‌زیری ئۆتۆبان جیاراج فێرناندۆپـۆلی له‌ كاتێـكدا ڕۆژی یه‌كشه‌ممه‌ ڕوویداوه‌ كه‌ چاودێری ده‌سـتپـێـكردنی ماراثۆن و یاخود پـێشـبڕكێی ڕاكردنی كردبوو له‌ شـارۆچـكه‌ی گه‌مپاها له‌ به‌شی ڕۆژئاوای سیریلانكا نزیـك به‌ پایته‌خت.

ڕاكه‌ری پـێشـینی ئۆڵـۆمپـیـك كارۆنارتنی و ڕاهێنه‌ری وه‌رزشی نیشـتیمانی لاكشـمان دی ئه‌لویس هه‌روه‌ها ڕاگه‌یاندراوه‌ له‌ ته‌قینه‌وه‌كه‌دا كوژرابن، وه‌ نزیكه‌ی 100 كه‌سیش برینداربوونه‌.

فێرناندۆپـۆلی وه‌كو سه‌رۆك وه‌زیرێـكی به‌ توانا بینراوه‌ و ده‌نگێـكی ڕه‌خنه‌گرانه‌ بووه‌ به‌رامبه‌ر به‌ سه‌رهه‌ڵـداوه‌كان و به‌شـداریـكه‌رێـك له‌ وتووێـژه‌ سه‌رنه‌كه‌وتووه‌كانی ئاشـتیدا بووه‌ له‌گه‌ڵ گروپه‌ میلیشـیاكان. ئه‌و دووهه‌مین باڵاترین وه‌زیری حكومه‌ته‌ كه‌ له‌ ماوه‌ی ئه‌مسـاڵدا بكوژرێت.

حكومه‌ت تاوانباری سه‌رهه‌ڵـداوه‌كانی پـڵنگی تامیلی كردووه‌ له‌ هێرشـه‌كه‌ی ئه‌مڕۆدا، به‌ڵام ده‌موده‌ست كه‌س خۆی به‌رپرسـیار نه‌زانیـوه‌.

XS
SM
MD
LG