Accessibility links

بۆمبێـكی لێوار ڕێـگا له‌ نزیـك كاروانێـكی له‌شـكری عێراقی له‌ به‌سـره‌ ده‌ته‌قێته‌وه‌


بۆمبێـكی لێوار ڕێـگا نزیـك به‌ كاروانێـكدا كه‌ ژه‌نه‌ڕاڵه‌كانی عێراقی تیادا بووه‌ له‌ بنكه‌ی به‌هێزی شـیعه‌كان له‌ به‌سـره‌ ته‌قیوه‌ته‌وه‌.

هیچ زیانێـك ڕانه‌گه‌یه‌ندراوه‌ له‌ ته‌قینه‌وه‌كه‌ی ڕۆژی چوارشه‌ممه‌دا كه‌ پاش چه‌ند كاتژمێـرێـك له‌ لایه‌ن محه‌مه‌د ئه‌لعه‌سـكه‌ری وته‌بێژی وه‌زاره‌تی به‌رگری كه‌ له‌گه‌ڵ كاروانه‌كه‌دا بووه‌ ڕاگه‌یه‌ندرابوو.

ئه‌و وتی كامێرامانێـكی عێراقیش ته‌قه‌ له‌ قاچی كراوه‌ و برینداربووه‌ له‌و كاته‌ی ویسـتوویه‌تی ڕووداوه‌كه‌ فلیمبه‌رداری بكات له‌ گه‌ڕه‌كی حه‌یـیانیـیه‌.

ناوچه‌كه‌ شوێنی پـێكدادانه‌ گه‌وره‌كانی هه‌فته‌ی ڕابردوو بووه‌ له‌ نێوان هێزه‌كانی ئاسـایشی عێراقی و میلیشـیاكانی موقته‌دا ئه‌لسه‌در.

چوارشه‌ممه‌ ده‌بێته‌ سێهه‌مین ڕۆژ كه‌ جۆره‌ ئارامیـیه‌ك له‌ به‌سـره‌ ڕاگه‌یه‌نداروه‌.

له‌ لایه‌كی تره‌وه‌ له‌ شـاری موسڵی باكوری وڵاته‌كه‌ توندوتیژی به‌رده‌وام بووه‌.
ئه‌میر گۆران په‌یامنێری ده‌نگی ئه‌مریكا له‌و شـاره‌ ڕاپـۆرتی ناردووه‌ و تیایدا ده‌ڵێت له‌ ئاكامی توندوتیژیـیه‌كانی ڕۆژی چوارشه‌ممه‌ 16 كه‌س كوژراو و بریندار بوون و هه‌روه‌ها 11 خراپـكاریش ده‌سـتگیركراون، ده‌توانن گوێبیسـتی ده‌قی ڕاپـۆرته‌كه‌بن له‌ ڕێـگه‌ی كلیـكـكردنی ئه‌و فایله‌ ده‌نـگیـیه‌ی سه‌ره‌وه‌، ماوه‌كه‌ی 2:12 خوله‌كه‌.

XS
SM
MD
LG