Accessibility links

وه‌زیرێـكی ئیسـرائیل ده‌ڵێت وڵاته‌كه‌ی هه‌وڵی گه‌ڕاندنه‌وه‌ی سـوریا بۆ وتووێـژه‌كانی ئاشتی ده‌دات


وه‌زیرێـكی كابینه‌تی ئیـسرائیل پـشـتڕاسـتی كرد كه‌ ئیسـرائیل هه‌وڵ ده‌دات وتووێـژی ئاشـتی له‌گه‌ڵ سوریا نوێ بكاته‌وه‌.

بێنیامین بێن ئێـلعازه‌ر ڕۆژی هه‌ینی به‌ ڕادیۆی ئیسـرائیلی ڕاگه‌یاند كه‌ حكومه‌ت هه‌موو هه‌وڵێـك ده‌دات بۆ ئه‌وه‌ی سـوریا بهێنێـته‌وه‌ سه‌ر مێزی دانوسـتاندن.

بێنیامین گوتیشی ئیسـرائیل ده‌زانێت بۆ هه‌ر ڕێـكـكه‌وتنێـك له‌گه‌ڵ سـوریا پـێویسـته‌ ده‌سـتبه‌رداری به‌رزایـیه‌كانی گۆلان بێت. ئیسـرائیل ئه‌و شـوێنه‌ سـتراتیژیـیه‌ی له‌ سـاڵی 1967 دا له‌ شه‌ڕێـكی شه‌ش ڕۆژیدا گرتووه‌.

له‌ سه‌ره‌تای ئه‌م هه‌فته‌یه‌شـدا سه‌رۆك وه‌زیری ئیسـرائیل ئێهود ئۆڵمه‌رت گوتی ئاماده‌یه‌ بۆ ئاشـتی له‌گه‌ڵ سـوریا.

سه‌باره‌ت به‌م هه‌واڵه‌ په‌یامنێری ده‌نگی ئه‌مریكا له‌ ئۆرشه‌لیم ڕۆبه‌رت بێرگه‌ر ڕاپـۆرتێـكی ناردووه‌ و هاوكارانمان زیبا سـندی و ده‌خیلی شه‌ممۆ به‌ كوردی ئاماده‌یان كردووه‌، ده‌توانن گوێبیسـتی بن له‌ ڕێـگه‌ی كلیـكـكردنی ئه‌و فایله‌ ده‌نـگیـیه‌ی سه‌ره‌وه‌، ماوه‌كه‌ی 2:25 خوله‌كه‌.

XS
SM
MD
LG