Accessibility links

ژماره‌یه‌ك تانكه‌ری سـووته‌مه‌نی له‌سه‌ر سـنووری نێوان پاكسـتان و ئه‌فغانسـتان ده‌ته‌قێنرێنه‌وه‌


میلیتانی به‌رگومان له‌ پاكستان 36 تانكه‌ری نه‌وت هه‌ڵـگریان ته‌قاندۆته‌وه‌ كه‌ سـووته‌مه‌نیـیان بۆ هێزه‌كانی به‌ ڕێبه‌رایه‌تی ئه‌مریكا له‌ ئه‌فغانسـتانی دراوسێ ده‌برد.

دووشه‌ممه‌ كاربه‌ده‌سـتانی پاكسـتان گوتیان یه‌كشه‌ممه‌ شه‌وه‌كه‌ی هێرشـبه‌ره‌كان 2 بۆمبیان له‌ نزیـك كامیۆنه‌كان ته‌قاندبووه‌وه‌، له‌ ئه‌نجام ئاگر و ته‌قینه‌وه‌ ناوچه‌ی عه‌شـیره‌ت نشینی خه‌یبه‌ری داگرتبوو. به‌ كه‌می 70 كه‌س برینداربوون.

زیاتر له‌ 80 كامیۆن به‌ره‌و ئه‌فغانسـتان كه‌وتبوونه‌ ڕێ و بۆ پـشوودان له‌ ناوچه‌كه‌ ڕاگیرابوون كاتێـك ته‌قینه‌وه‌كه‌ ڕوویدا.

كه‌س به‌رپـرسـیارێتی هێرشه‌كه‌ی نه‌گرتۆته‌ ئه‌سـتۆ.

XS
SM
MD
LG