Accessibility links

سه‌رۆكی پـێشـووی ئه‌نده‌نوسـیا له‌ ته‌مه‌نی 86 سـاڵیدا كۆچی دوایـیكرد

  • Chad Bouchard

محه‌مه‌د سـوهارتۆی سه‌رۆكی پـێشـووی ئه‌نده‌نوسـیا پاش ئه‌وه‌ی بۆ ماوه‌ی زیاتر له‌ سێ هه‌فته له‌ ڕه‌وشـێـكی ته‌ندروستی خراپـدابوو، ڕۆژی یه‌كشه‌ممه‌ له‌ نه‌خۆشـخانه‌یه‌كی جاكارتای پایته‌خت كۆچی دوایی كرد.
په‌یامنێری ده‌نگی ئه‌مریكا له‌ جاكارتا، چاد باوچه‌رد ڕاپـۆرتێـكی له‌و باره‌یه‌وه‌ ناردووه‌ و هاوكارمان موعته‌به‌ر شـیروانی به‌ زمانی كوردی ئاماده‌ی كردووه‌.

دیكتاتۆری پـێشـووی 86 سـاڵان له‌ بارێـكی ته‌ندروسـتی ناله‌بار له‌ 4 ی ئه‌م مانگه‌وه‌ له‌ نه‌خۆشـخانه‌ كه‌وتبوو. دكتۆرانی گوتیان چه‌ند ئه‌ندامی له‌شـی له‌كاركه‌وتن و كه‌وتبووه‌ حاڵه‌تی كۆما به‌ر له‌وه‌ی یه‌كشه‌ممه‌ ماڵـئاویی له‌م جیهانه‌ بكات.

سه‌رۆكی پـۆلیسی ئه‌و ناوچه‌یه‌ی نه‌خۆشـخانه‌كه‌ی لێـهه‌ڵـكه‌وتووه‌، دكی سـندانی به‌م شـێوه‌یه‌ خه‌به‌ری مردنه‌كه‌ی بڵاوكرده‌وه‌ و گوتی:

"دووهه‌م سه‌رۆكی ئه‌نده‌نوسـیا حاجی محه‌مه‌د سوهارتۆ له‌ 1:10 ی پاش نیوه‌ڕۆ به‌ كاتی خۆجێی كۆچی دوایـیكرد."

له‌ ماوه‌ی 32 سـاڵ له‌ ده‌سه‌ڵاتی سه‌رۆك سـوهارتۆ ئه‌ندنوسـیا گه‌شه‌ی ئابوری و سه‌قامگیری به‌خۆوه‌ دی، به‌ڵام له‌ هه‌مان ده‌م به‌ ڕاده‌یه‌كی زۆر مافی مرۆڤ پـێشـێـلكرا و گه‌نده‌ڵیش بڵاوبۆوه‌.

له‌ سـاڵی 1998 سـوهارتۆ ده‌ستی له‌كاركێشـایه‌وه‌ له‌ گه‌رمه‌گه‌رمی قه‌یرانی ئابوری ئاسـیا و ئه‌و خۆپـیشـاندانه‌ زۆرانه‌ی بۆ ده‌سـت له‌كاركێشـانه‌وی ئه‌و به‌ڕێوه‌چوون.

XS
SM
MD
LG