Accessibility links

پاش تێـكشـكانی دیواری نێوان ناوچه‌ی غه‌ززه‌ ومیسـر به‌ هه‌زاران فه‌له‌ستینی ده‌ڕژێنه‌ ناو ئه‌و وڵاته‌


به‌ هه‌زاران فه‌له‌ستینی خه‌ڵـكی غه‌ززه‌ خزه‌یان كردۆته‌ ناو شـارۆچكه‌ی سـنووری ڕه‌فه‌ح له‌ ناو میسـر له‌ پاش ئه‌وه‌ی چه‌كداران به‌ شه‌و ده‌ستیان له‌ زنجیره‌ ته‌قینه‌وه‌یه‌كدا و زۆربه‌ی دیواره‌ ئاسـنه‌كه‌ی درێژایی سـنووریان له‌ناوبرد.

ڕۆژی چوارشه‌ممه‌ فه‌له‌ستینیـیه‌كان چوونه‌ ناو میسر بۆ ئه‌وه‌ی خۆراك، سـووته‌مه‌نی و پـێویسـتیـیه‌كانی دیكه‌ بكڕن كه‌ له‌به‌ر ئابڵۆقه‌درانی كه‌رتی غه‌ززه‌ له‌ لایه‌ن ئیسـرائیل كه‌م ده‌ست ده‌كه‌ون.

هێزی پاسه‌وانی سـنووری میسـر و هێزی پـۆلیسی حه‌ماسی خاوه‌ن ده‌سه‌ڵات به‌سه‌ر غه‌ززه‌ پـێشی خه‌ڵـكه‌كه‌یان نه‌گرت.

سه‌رۆكی میسـر حوسـنی موباره‌ك گوتویه‌تی له‌سه‌ر بـنچینه‌ی مرۆڤی ڕێـگه‌ی داوه‌ فه‌له‌ستینیـیه‌كان بچنه‌ ناو میسـر تا خۆراك بكڕن و دوایی بگه‌ڕێنه‌وه‌.

ده‌مڕاستێـكی وه‌زاره‌تی ده‌ره‌وه‌ی ئیسـرائیل ده‌ڵێت ئیسـرائیل نیگه‌رانی ئاڵۆزی سه‌رسـنووری غه‌ززه‌ و میسـره‌ چونكه‌ ده‌توانێت بـبێت به‌ مایه‌ی خزه‌كردنی تێرۆریستان و چه‌كان.

هه‌ینی ئیسـرائیل ئابڵۆقه‌ی غه‌ززه‌ی دا، گوتی بۆیه‌ فشـار بۆ میلیتانان ده‌هێنێت تا ده‌ست له‌ موشـه‌ك هاویشتن بۆ ناو ئیسـرائیل هه‌ڵـبگرن.

سێشه‌ممه‌ ئیسرائیل هه‌ندێ به‌ربه‌ندی هه‌ڵـگرت و ڕێـگه‌ی دا سـووته‌مه‌نی و هه‌روه‌ها ڕۆنی خۆراك سـازكردن بچێته‌ ناو خاكی ژێر كۆنتڕۆڵی حه‌ماس.

سه‌باره‌ت به‌م بابه‌ته‌ په‌یامنێری ده‌نگی ئه‌مریكا جێم تیپـڵ له‌ ئۆرشه‌لیمه‌وه‌ ڕاپـۆرتێـكی ناردووه‌ و هاوكارمان خه‌ڵه‌فی زێباری به‌ كوردی ئاماده‌ی كردووه‌.

ئه‌ندامانی ئه‌نجومه‌نی ئاسایشی نه‌ته‌وه‌ یه‌كگرتووه‌كانیش له‌و باره‌یه‌وه‌ وتووێـژ ده‌كه‌ن و به‌نیازن ڕاگه‌یاندنێـك ده‌ربكه‌ن، به‌ڵام تا ئێستا له‌ سه‌ر چۆنێتی داڕشتنی ڕاگه‌یاندنه‌كه‌ ئه‌ندامه‌كانی ڕێـكـنه‌كه‌وتوون. په‌یامنێری ده‌نگی ئه‌مریكا مارگرێت به‌شیر له‌ باره‌گای نه‌ته‌وه‌ یه‌كگرتووه‌كانه‌وه‌ له‌ نیویۆرك ڕاپـۆرتێـكی ناردووه‌ و هاوكارمان به‌ڵـێن سـاڵح به‌ كوردی ئاماده‌ی كردووه‌.

ده‌توانن گوێبیسـتی ده‌قی وه‌رگێڕاوی هه‌ردوو ڕاپـۆرته‌كه‌ بن له‌ ڕێـگه‌ی كلیـكـكردنی ئه‌و فایله‌ ده‌نـگیـیانه‌ی سه‌ره‌وه‌.

XS
SM
MD
LG