Accessibility links

بۆ دووهه‌م ڕۆژه‌ خۆپـیشـانده‌ران و پـۆلیس له‌ كینیا به‌یه‌كدا ده‌ده‌ن


له‌ دووهه‌م ڕۆژی خۆپـیشـانداندا دژی سه‌رله‌نوێ هه‌ڵـبژاردنه‌وه‌ی سه‌رۆك موای كیـباكی پـۆلیس و لایه‌نگرانی ئۆپـۆزسـیۆن دایان به‌یه‌كدا.

ڕێبه‌وری ئۆپـۆزسیۆن ڕه‌یلا ئۆدینگا بۆ په‌یامنێرانی ڕاگه‌یاند كه‌ ڕۆژی پـێـنجشه‌ممه‌ هێزه‌كانی پـۆلیس 7 خۆپـیشـانده‌ریان له‌ نایرۆبی پایته‌خت كوشتووه‌. هه‌رچه‌نده‌ هیچ شـتێــك له‌ لایه‌ن پـۆلیسـه‌وه‌ پـشـتڕاست نه‌كراوه‌ته‌وه‌، به‌ڵام گه‌واهیده‌ران ده‌ڵێن هێزه‌كانی پـۆلیس به‌ گازی فرمێسـك ڕێژ و گولـله‌ ته‌قه‌یان له‌ خۆپـیشـانده‌ران كردووه‌ له‌ نایرۆبی و شـاره‌كانی تری ڕۆژئاوای وڵات.

ڕۆژی چوارشه‌ممه‌ له‌ میانه‌ی خۆپـیشـاندانه‌كانی شـاری كیسۆمی به‌ لایه‌نی كه‌م 4 كه‌س كوژران.

شـایانی باسه‌ هێزه‌كانی ئۆپـۆزسـیۆن داوای ڕێـپـێوانیان كردبوو هه‌تا ڕۆژی هه‌ینی له‌ دژی ئه‌وه‌ی پـێی ده‌ڵێن سـاخته‌كردنی حكومه‌ت له‌ هه‌ڵـبژاردنی سه‌رۆكایه‌تی مانگی ڕابردوودا.

سه‌رانی ئۆپـۆزسـیۆن ڕۆژی پـێـنجشه‌ممه‌ ڕایانگه‌یاند كه‌ خۆپـیشـاندان هه‌ر به‌رده‌وام ده‌بێت هه‌تا ئه‌و كاته‌ی حكومه‌ت داواكاریـیه‌كانی ئۆپـۆزسـیۆن جێبه‌جێ ده‌كات.

XS
SM
MD
LG