Accessibility links

دوو ته‌قینه‌وه‌ی خۆكوژی له‌ خاڵێـكی پـشـكنینی له‌شـكری له‌ پاكسـتان ڕووده‌دات


له‌شـكری پاكسـتان ده‌ڵێت ڕۆژی پـێـنجشه‌ممه‌ دوو ته‌قینه‌وه‌ی خۆكوژی له‌ نزیـك خاڵێـكی پـشـكنینی له‌شـكری له‌ كوێتای ناوه‌ندی سـتانی به‌لوچـسـتانی باشوری ڕۆژئاوای وڵاته‌كه‌ ڕوویداوه‌ و بووه‌ته‌ مایه‌ی كوژرانی به‌ لایه‌نی كه‌م 11 كه‌س.

كاربه‌ده‌سـتان ده‌ڵێن خۆكوژی یه‌كه‌م له‌ نزیـك ڕیزی وه‌سـتانی ئۆتۆمبیله‌كان له‌ خاڵی پـشـكنینه‌كه‌ خۆی ته‌قاندۆته‌وه‌، وه‌ كاتیكیش كه‌ خه‌ڵـكی له‌ شوێنی ته‌قینه‌وه‌كه‌دا خڕبوونه‌ته‌وه‌ خۆكوژی دووهه‌م خۆی ته‌قاندۆته‌وه‌.

شـایانی باسه‌ هێرشی بۆمب و ته‌قه‌كردن له‌ سـتانی بلوچـسـتانی پاكسـتان شـتێـكی ئاسایی‌یه‌ و به‌گشتی گروپه‌ نه‌ژاد په‌رسته‌كانی بلوچ له‌و هێرشـانه‌ به‌رپـرسـیار ده‌كرێن. ئه‌و گروپانه‌ش شه‌ڕ له‌گه‌ڵ حكومه‌تی ناوه‌ندیدا ده‌كه‌ن له‌ پـێـناو به‌ ده‌سـتهێنانی ئۆتۆنۆمی زیاتر بۆ هه‌رێمه‌كه‌یان و بڕێـكی زیاتر له‌ داهاتی نه‌وت و گازی سروشتی ناوچه‌كه‌یان.

به‌ڵام ئه‌م هێرشـه‌ خۆكوژیـیانه‌ زیاتر كاری گروپه‌ توندڕه‌وه‌ ئیسلامیـیه‌كانی سه‌ر به‌ تاڵیبانه‌ كه‌ له‌ باكوری بلوچسـتان و له‌ ناوچه‌ عه‌شـایریـیه‌كان جێـگیربوون.

XS
SM
MD
LG