Accessibility links

خۆكوژێـك به‌ ئۆتۆمبیلێـكی بۆمبڕێژكراو خۆی به‌ پاسێـكی له‌شـكری ئه‌فغانیدا له‌ كابوڵ ده‌ته‌قێنێته‌وه‌ 


كاربه‌ده‌ستانی ئه‌فغانی ده‌ڵێن ته‌قێنه‌رێـكی خودكوژ به‌ ماشـێـنێـكی بۆمبكراو خۆی به‌ ئوتوبوسـێـكی له‌شـكری ئه‌فغانیدا كێشـاوه‌ و به‌ لایه‌نی كه‌م 13 كه‌سی كوشتووه‌ و فره‌تر له‌ 10 كه‌سیشـی برینداركردووه‌.

ته‌قینه‌وه‌كه‌ سه‌رله‌به‌یانی ڕۆژی چوارشه‌ممه‌ له‌ به‌شی باشوری پایته‌ختی ئه‌فغانستاندا ڕوویداوه‌ له‌ كاتێـكدا وه‌زیری به‌رگری گه‌یتس به‌ سه‌ردانه‌كه‌ی له‌ شـاره‌كه‌دا كۆتایی هێناوه‌. كاربه‌ده‌ستان ده‌ڵـێن كوژراوه‌كان 6 سه‌رباز و 7 هاوڵاتی سـڤیل بوونه‌ كه‌ چواریان منداڵ بووه‌.

میلیشـیاكانی تاڵیبانه‌كان خۆیان له‌ ته‌قینه‌وه‌كاندا به‌رپـرسـیار زانیون و هه‌روه‌ها ته‌قینه‌وه‌كانی ڕۆژی سێشه‌ممه‌ بۆ سـه‌ر كاروانی ناتۆ نزیـك به‌ فڕۆكه‌خانه‌ی كابوڵ.

ته‌قینه‌وه‌كه‌ی ڕۆژی سێشه‌ممه‌ هیچ زیانی به‌ هێزه‌كانی ناتۆ نه‌گه‌یاند، به‌ڵام هاوڵاتی سڤیلی ئه‌فغانی برینداركرد.

XS
SM
MD
LG