Accessibility links

گه‌واهده‌ران ده‌ڵێن فڕۆكه‌یه‌كی بچووك له‌ نزیـك پایته‌ختی سوریاوه‌ كه‌وتۆته‌ خواره‌وه‌


ڕاپـۆرته‌ هه‌واڵـیـیه‌كان له‌ سوریاوه‌ ده‌ڵـێن فڕۆكه‌یه‌كی بچووك كه‌ پـێده‌چێت له‌ لایه‌ن له‌شـكره‌وه‌ به‌كارهێنرابێت له‌ نزیـك دیمه‌شـقه‌وه‌ كه‌وتۆته‌ خواره‌وه‌، وه‌ له‌م ڕووداوه‌دا 3 كه‌س كوژراون.

گه‌واهده‌ران ده‌ڵێن پـێده‌چێت فڕۆكه‌كه‌ ئه‌ركی مه‌شق و ڕاهێنان پـێـكردندا بووبێت كاتێـك ڕۆژی یه‌كشه‌ممه‌ كه‌وتۆته‌ خواره‌وه‌.

هه‌تا ئێسـتاش پـشـتڕاسـتكردنه‌وه‌ی ئه‌م هه‌واڵه‌ له‌ لایه‌ن كاربه‌ده‌ستانی سوریاوه‌ نه‌كراوه‌.

كه‌وتنه‌ خواره‌وه‌ی ئه‌م فڕۆكه‌یه‌ هاوكاته‌ له‌گه‌ڵ به‌رزبوونه‌وه‌ی ئاستی پـشێویـیه‌كان له‌ نێوان سوریا و ئیسرائیلدا، كه‌ ڕۆژی 6 ی نۆ ئیسرائیل هێرشـێـكی ئاسـمانی له‌ قوڵایی سوریا ئه‌نجام دا. نه‌ دیمه‌شق و نه‌ ته‌ل ئه‌بیبیش زانیاریـیه‌كی ئه‌وتۆیان له‌سه‌ر نیشـانی ئه‌و هێرشه‌ ئاسـمانیـیه‌ی ئیسرائیل نه‌داوه‌.

XS
SM
MD
LG