Accessibility links

هاوپه‌یمانان ده‌ڵـێن 169 یاخیبووی تاڵیبان له‌ باشوری ئه‌فغانسـتان كوژراون


هێزه‌كانی هاوپه‌یمانان و ئه‌فغانسـتان ده‌ڵێن له‌ دوو شه‌ڕی گه‌وره‌دا له‌ باشوری ئه‌فغانسـتان به‌لایه‌نی كه‌م 169 یاخیبووی تاڵیبانیان كوشـتووه‌.

كاربه‌ده‌سـتانی له‌شـكری ده‌ڵێن پـێـكدادانه‌كان ڕۆژی سێشه‌ممه‌ له‌و ده‌مه‌ ده‌ستیـپـێـكرد كه‌ یاخیبووان ته‌قه‌یان له‌ هێزه‌كانی ئه‌فغانی و هاوپه‌یمانان كردبوو له‌ ناوچه‌ی موسا قه‌ڵا له‌ ئوسـتانی هێڵمه‌ند.

تۆپ و فڕۆكه‌كانی هاوپه‌یمانان شوێنه‌كانی چه‌كداره‌كانی تاڵیبانیان بۆردومان كردووه‌، وه‌ له‌شـكر ده‌ڵێت به‌لایه‌نی كه‌م 65 تاڵیبان له‌ ئوسـتانی ئورووزگان كوژراون و 104 ی دیكه‌ش له‌ ئوسـتانی هێڵمه‌ند كوژراون.

له‌ میانه‌ی شه‌ڕه‌كانی هێڵمه‌ند یه‌ك سه‌ربازی هێزه‌كانی هاوپه‌یمانان كوژراوه‌ و چواری دیكه‌ش برینداربوون.

گوته‌بێژی هاوپه‌یمانان مه‌یجه‌ر كرس بێڵچه‌ر، كه‌ ئه‌فسه‌ری له‌شـكری ئه‌مریكایه‌، ده‌ڵێت ئه‌م ئۆپه‌راسـیۆنه‌ ئه‌وه‌ ده‌سه‌لمێنێت كه‌ له‌شـكری ئه‌فغانسـتان گه‌یشـتوونه‌ته‌ چ ئاستێـك له‌ شه‌ڕی دژی توندڕه‌وان.

له‌ توندوتیژیـیه‌كی دیكه‌دا، هه‌ر ڕۆژی چوارشه‌ممه‌ له‌ ناوچه‌ی سه‌نگین له‌ ئوسـتانی هێڵمه‌ند خۆكوژێـك خۆی به‌ ماشـێـنێـكی پـۆلیسـدا ته‌قانده‌وه‌، به‌لایه‌نی كه‌م پـۆلیسـێـك كوژاروه‌.

شـایانی باسه‌ هێزه‌كانی نێونه‌ته‌وه‌یی له‌م دوایـیانه‌دا له‌ ئوسـتانی هێڵمه‌ند ده‌سـتیان به‌ هه‌ڵمه‌تێـكی نوێ كردووه‌، له‌ هه‌وڵێـكدا بۆ به‌رقه‌راركردنی ئاسایش و سه‌قامگیری زیاتر له‌و ناوچه‌یه‌ی باشوری ئه‌فغانسـتان.

XS
SM
MD
LG