Accessibility links

نزیكه‌ی 10 هه‌زار ڕه‌به‌نی بوذی له‌ بورما خۆپـیشـاندانی ناڕه‌زایی سـازده‌كه‌ن


گه‌واهیده‌ران له‌ بورماوه‌ ده‌ڵێن له‌ یه‌كێـك له‌ گه‌وره‌ترین خۆپـیشـاندانی ڕه‌به‌نه‌كان له‌دژی حكومه‌ته‌ له‌شـكریـیه‌كه‌ی بورما نزیكه‌ی 10 هه‌زار ڕه‌به‌ن ڕێـپـێوانێـكیان له‌ شـاری ماندالای سـازدا.

ڕۆژی شه‌ممه‌ و بۆ ڕۆژی پـێـنجهه‌م له‌سه‌ر یه‌ك ڕه‌به‌نه‌كانی بورما خۆپـیشـاندانێـكی ناڕه‌زایی‌یان ئه‌نجام دا.

ڕۆژی هه‌ینیش 600 ڕه‌به‌ن دلێرانه‌ له‌ ژێر بارانێـكی به‌خوڕدا له‌ په‌رسـتگه‌ی شویداگۆن به‌ره‌و شـاری ڕانگوون به‌ڕێـكه‌وتن. هاوكاتی ڕه‌به‌نه‌كان به‌ ڕێـپـێوان به‌ره‌و ڕانگوون ده‌ڕۆیشتن به‌لایه‌نی كه‌م 1000 كه‌س په‌یوه‌ندیـیان پـێوه‌كردن.

ڕۆژی پـێـنجشه‌ممه‌ش به‌ هه‌زاران كه‌س په‌یوه‌ندیـیان به‌ ڕێـپـێوانێـكی دیكه‌ی هاوشـێوه‌ له‌ ڕانگوون كرد.

شـایانی باسه‌ ڕه‌به‌نه‌كان له‌ پـێـشـه‌نگی خۆپـیشـاندانه‌ ناڕه‌زایی‌یه‌كاندان له‌وه‌تای له‌ مانگی ڕابردووه‌وه‌ حكومه‌ت نرخی سووته‌مه‌نی كردووه‌ته‌‌ دوو هێنده‌. زیادكردنی نرخی سووته‌مه‌نی وایكردووه‌ هاتوچۆكردنی زۆر له‌ هاوڵاتیـیانی هه‌ژاری بورما سه‌خت بكات.

ده‌سه‌ڵاتداران به‌لایه‌نی كه‌م 50 بزاڤكاریان له‌ خۆپـیشـاندانه‌كاندا ده‌ستگیركردووه‌.

XS
SM
MD
LG