نوێنه‌رانی تاڵیبان ڕازیبوون 19 بارمته‌ی كۆریای باشور ئازاد بكه‌ن، ئه‌وانه‌ی بۆ زیاتر له 6 هه‌فته ده‌چێت له ئه‌فغانسـتان ده‌سـتگیركراون.
گوته‌بێژێـكی سه‌رۆكایه‌تی كۆریای باشور ڕایگه‌یاند كه ڕێـكـكه‌وتنێـك له‌و باره‌یه‌وه هاتۆته كایه‌وه پاش ئه‌وه‌ی كۆریای باشور ڕازیبوو 200 سه‌ربازی خۆی له ئه‌فغانسـتان بكشێنێته‌وه به هاتنی كۆتایی ئه‌مسـاڵ و هه‌روه‌ها ڕازیش هه‌وڵه‌كانی بڵاوكردنه‌وه‌ی ئاینی مه‌سیحی له‌لایه‌ن هاوڵاتیانی خۆی له‌و وڵاته قه‌ده‌غه بكات.
ڕۆژی سێشه‌ممه ئه‌م هه‌واڵه ڕاگه‌یاندرا پاش خولێـكی نوێی وتووێـژ له نێوان كاربه‌ده‌سـتانی كۆریای باشور و نوێنه‌رانی تاڵیبان سه‌باره‌ت به چاره‌نووسی ئه‌و بارمتانه.
پـێشـتر چه‌كداره‌كانی تاڵیبان دوو بارمته‌ی كۆریای باشوریان كوشت و هه‌ڕه‌شه‌ی كوشتنی سه‌رجه‌م بارمته‌كانی تریان ده‌كرد ئه‌گه‌ربێت و حكومه‌تی ئه‌فغانستان زیندانیـیه‌كانی تاڵیبان ئازاد نه‌كات. به‌ڵام حكومه‌تی ئه‌فغانسـتان ئه‌م داوایه‌ی ڕه‌تكرده‌وه.