Accessibility links

ڕفێنده‌رانی فڕۆكه‌ توركیـیه‌كه‌ له‌ توركیـا ده‌سـتگیر ده‌كرێن


كاربه‌ده‌ســتانی توركیا ده‌ڵێن ئه‌و دوو پـیاوه‌یان ده‌سـتگیركردووه‌ كه‌ فڕۆكه‌یه‌كیان له‌ باكوری قوبڕسه‌وه‌ ڕفاند‌بوو.

كاتێـكی زووی ڕۆژی شه‌ممه‌ ئه‌و دوو ڕفێنده‌ره‌ فڕۆكه‌یه‌كی هێڵی ئاسـمانی ئه‌تڵه‌س جێتیان ڕفاند كه‌ بڕیار وابوو ئه‌و فڕۆكه‌یه‌ له‌ باكوری قوبڕسه‌وه‌ به‌ره‌و ئه‌سته‌نبوڵ بچێت، به‌ڵام ڕفێنده‌ره‌كان داوایان كردبوو فڕۆكه‌كه‌ به‌ره‌و ئێران یان سوریا بفڕێت.

ده‌سه‌ڵاتدارانی توركیا ده‌ڵێن یه‌ك له‌ ڕفێنده‌ره‌كان توركه‌ و ئه‌وی دیكه‌شـیان سوریـیه‌. پـێشـتر ده‌سه‌ڵاتدارنی قوبڕس به‌ ئێرانیـیان ناسـاندن.

فڕۆكه‌كه‌ له‌ فڕۆكه‌خانه‌ی ئه‌نتالیا به‌مه‌به‌سـتی به‌نزین تێـكردن نیشـته‌وه‌، وه‌ له‌وێ زۆربه‌ی سه‌رنشینه‌كان به‌ردراون و یان ئازادكراون. هه‌ردوو ڕفێندره‌كه‌ ده‌سـتگیركران پاش ئازادكردنی سه‌رنشینه‌كانی كه‌ مابوونه‌وه‌ له‌گه‌ڵ تاقمی فڕۆكه‌كه‌.

سه‌باره‌ت به‌م ڕووداوه‌ په‌یامنێری به‌شی ئینگلیزی ده‌نگی ئه‌مریكا له‌ نیقۆسـیای پایته‌ختی قوبڕسه‌وه‌ نه‌یثن مۆرلی په‌یوه‌ندی كردووه‌ به‌ به‌شی ئینگلیزی و وتووێـژێـكی له‌گه‌ڵدا سـازداون، وه‌ هه‌ردوو هاوكارمان هێرۆ زه‌نگه‌نه‌ و جانی دیلان وه‌ریانگێڕاوه‌ته‌ سه‌ر زمانی كوردی، وه‌ ده‌توانن گوێـبیـستی ده‌قی وه‌رگێڕاوی وتووێـژه‌كه‌ بن له‌ ڕێـگه‌ی كلـیـكـكردنی ئه‌و فایله‌ ده‌نـگیـیه‌ی سه‌ره‌وه‌، ماوه‌كه‌ی 4 خوله‌كه‌.

XS
SM
MD
LG