Accessibility links

دوو بارمته‌ ئازادكراوه‌كه‌ی كۆریای باشور له‌ ئه‌فغانسـتانه‌وه‌ گه‌یشـتنه‌وه‌ وڵاتی خۆیان


دوو بارمته‌ ژنه‌كه‌ی كۆریای باشور، ئه‌وانه‌ی تاڵیبان ڕۆژی دووشه‌ممه‌ ئازادیكردن، گه‌یشـتنه‌وه‌ وڵاتی خۆیان.

ڕۆژی هه‌ینی ئه‌و دوو ژنه‌ گه‌یشـتـنه‌وه‌ فڕۆكه‌خانه‌ی ئینچیونی سیۆل و یه‌كسه‌ر به‌ره‌و نه‌خۆشـخانه‌یه‌ك به‌ڕێـكران تاوه‌كو له‌وێ پـشـكنینی پـزیشـكیـیان بۆ ئه‌نجام بدرێت. هه‌ردووكیان داوای لێـبوردنیان كرد به‌وه‌ی بوونه‌ مایه‌ی خه‌م و سه‌رئێشه‌ بۆ دۆست و كه‌سوكاریان، وه‌ داوایان له‌ تاڵیبان كرد 19 بارمته‌كه‌ی تریش ئازاد بكه‌ن.

ڕۆژی پـێـنجشه‌ممه‌ش دانوسـتاندن له‌ نێوان تاڵیبان و كاربه‌ده‌سـتانی كۆریای باشور ده‌سـتیپـێـكرده‌وه‌ به‌مه‌به‌ستی به‌ردانی ئه‌وانه‌ی تریش.

شـایانی باسه‌ چه‌كداره‌كانی تاڵیبان له‌ 19 ی مانگی حه‌وته‌وه‌ 23 كارمه‌ندی فریاگوزاری كریسـتیانیان ڕفاند له‌و ده‌مه‌ی بۆ كارێـكی مرۆیی به‌ ناوچه‌ی غازنیدا تێده‌په‌ڕین.

ملیشـیاكانی تاڵیبان دوو بارمته‌ی پـیاویان له‌ كۆتایی مانگی ڕابردوودا كوشت پاش ئه‌وه‌ی حكومه‌تی ئه‌فغانسـتان داواكه‌یانی جێبه‌جێ نه‌كرد، كه‌ ئه‌ویش به‌ردانی زیندانیـیه‌كانیان بوو.

XS
SM
MD
LG