Accessibility links

ڕێبه‌رانی كۆریای باشور و باكور به‌نیازن كۆبوونه‌وه‌یه‌كی لوتكه‌ بـبه‌ستن


كۆریای باشور و باكور ده‌ڵـێن ڕێبه‌ره‌كانیان له‌ كۆتایی ئه‌م مانگه‌دا بۆ یه‌كه‌م جار دوای حه‌وت سـاڵ كۆبوونه‌وه‌یه‌كی لوتكه‌ له‌ نێوانیاندا ده‌به‌ستن.

ڕاوێژكاری ئاسایشی كۆریای باشور به‌ێـك جۆنگ چوون (Baek Jong-chun) ڕۆژی چوارشه‌ممه‌ له‌ سیۆل به‌ په‌یامنێرانی گوت كه‌وا سه‌رۆك ڕۆ موو هیوون (Roh Moo-Hyun) له‌ 28 ی مانگی هه‌شتدا بۆ ماوه‌ی سێ ڕۆژ له‌گه‌ڵ سه‌رۆكی كۆریای باكور كیم جۆنگ ئڵ (Kim Jong Il) كۆده‌بێته‌وه‌.

ئاژانسی ناوه‌ندی هه‌واڵه‌كانی فه‌رمی كۆریای باكوریش ڕۆژی چوارشه‌ممه‌ هه‌واڵی كۆبوونه‌وه‌كه‌ی پـشـتڕاست كرده‌وه‌. گوتی كاربه‌ده‌سـتان له‌ هه‌ردوو وڵات له‌ شـاری سنووری كۆریای باكور، كایسۆنگ (Kaesong)، كۆده‌بنه‌وه‌ بۆ ڕێـكخستنی ڕێوڕه‌سمی كۆبوونه‌وه‌كان.

له‌ واشـنتۆنیش گوته‌بێژێـكی وه‌زاره‌تی ده‌ره‌وه‌ی ئه‌مریكا گوتی واشـنتۆن ده‌خوازێت كۆبوونه‌وه‌كه‌ بـبێته‌ مایه‌ی به‌رقه‌راركردنی ئاشتی و ئاسایش له‌ نیمچه‌ دورگه‌ی كۆریا، وه‌ یارمه‌تیش بدات له‌ جێبه‌جێـكردنی ئامانجه‌كانی وتووێـژه‌ شه‌ش قۆڵـیـیه‌كانی تایبه‌ت به‌ به‌رنامه‌ ناوه‌كیـیه‌كه‌ی كۆریای باكور.

هه‌روه‌ها چینیش خۆشـحاڵی خۆی به‌رامبه‌ر به‌و هه‌واڵه‌ ده‌ربڕی، وه‌ گوتی په‌كین پـشـتگیری له‌ هه‌موو شـتێـك ده‌كات كه‌ سود به‌ ئاشـتی و سه‌قامگیری به‌ نیمچه‌ دورگه‌ی كۆریا بگه‌یه‌نێت.

شـایانی باسه‌ دوا كۆبوونه‌وه‌ی لوتكه‌ی هه‌ردوو كۆریا له‌ مانگی شه‌شی سـاڵی 2000 دا بووه‌، كاتێـك به‌ڕێز كیم له‌ پـیۆنگیانگ له‌گه‌ڵ سه‌رۆكی كۆریای باشور كیم دای جوونگ كۆبووه‌وه‌. كۆبوونه‌وه‌كه‌ش بووه‌ مایه‌ی ده‌ستپـێـكردنی جۆره‌ هاوكاریـیه‌كی نێوانیان كه‌ پـێشـتر وێنه‌ی نه‌بووه‌.

XS
SM
MD
LG