Accessibility links

ڕایس ده‌ڵێت به‌ره‌وپـێشـچوون له‌ وتووێـژه‌كانی نێوان ئه‌وروپا و ئێران نابینێت


كۆنده‌لیزا ڕایسی وه‌زیری ده‌ره‌وه‌ی وڵاته‌ یه‌كگرتووه‌كانی ئه‌مریكا ده‌ڵێت هیچ به‌ڵـگه‌یه‌ك نابینێت سه‌باره‌ت به‌ هه‌بوونی به‌ره‌وپـێشـچوون له‌ وتووێـژه‌كانی نێوان یه‌كێتی ئه‌وروپا و ئێراندا بۆ كۆتایی پـێـهێنانی مشتومڕ له‌سه‌ر به‌رنامه‌ ناوه‌كیـیه‌كه‌ی ئێران.

ڕۆژی هه‌ینی ڕایس ئه‌و لـێـدوانانه‌ی خۆی دا له‌ ڕێدا به‌ره‌و ئیسپانیا له‌ میانه‌ی ئه‌م گه‌شـته‌ی بۆ ئه‌وروپادا، وه‌ گوتوشـیه‌تی نابێت ئێران ئه‌م وتووێژانه‌ وه‌ك په‌رده‌ پـۆشـێـك بۆ كۆتایـی هێنانی به‌رنامه‌ ناوه‌كیـیه‌كی به‌كاربهێنێت.

ڕۆژی پـێـنجشه‌ممه‌ خافێر سۆلانا به‌ڕێوه‌به‌ری سـیاسه‌تی ده‌ره‌وه‌ی یه‌كێتی ئه‌وروپا و عه‌لی لاریجانی گه‌وره‌ وتووێـژكه‌ری ناوه‌كی ئێران له‌ مه‌درید كۆبوونه‌وه‌ بۆ وتووێـژكردن له‌سه‌ر ئه‌م قه‌یرانه‌.

نه‌ سۆلانا و نه‌ لاریجانی هیچ ئاماژه‌یه‌كیان نه‌دا به‌وه‌ی به‌ره‌وپـێـشـچوون هاتۆته‌ كایه‌، ته‌نها ئه‌وه‌نده‌یان گوتووه‌ ئاڵـوگۆڕی بیروڕایان كردووه‌ به‌ مه‌به‌ستی به‌ره‌و پـێشـبردنی پـرۆسه‌كه‌. هه‌ردووكیشـیان كۆك بوون له‌سه‌ر ئه‌وه‌ی له‌ ماوه‌ی دوو هه‌فته‌ی ئاینده‌دا جارێـكی تریش كۆبـبنه‌وه‌.

XS
SM
MD
LG