كاربه‌ده‌سـتانی پـۆلیسی عێراقی ده‌ڵێن ڕۆژی دووشه‌ممه و له‌ئاكامی ته‌قینه‌وه‌ی
ماشـێـنێـكی بۆمبڕێژكراو له ناوجه‌رگه‌ی به‌غدای پایته‌خت، به‌لایه‌نی كه‌م 21 كه‌س كوژران و هه‌روه‌ها 66 كه‌سی تریش بریندار بوون.
ته‌قینه‌وه‌كه له ناوچه‌ی سـنه‌كی به‌غدا بووه و زیانی به مزگه‌وتی شێخ عه‌بدولقادری گه‌یلانی گه‌یاندووه، كه یه‌كێـكه له مزگه‌وته پـیرۆزه‌كانی سوننه‌كان. هه‌روه‌ها زیانیش به چه‌ند باڵه‌خانه‌یه‌ك و ژماره‌یه‌ك ئۆتۆمبیلیش كه‌وتووه.
هه‌ر ڕۆژی دووشه‌ممه و له ته‌قینه‌وه‌ی ئۆتۆمبیلێـكی تردا له ناوچه‌ی باب ئه‌لموعه‌زه‌می شـاری به‌غدا به‌لایه‌نی كه‌م 2 كه‌س كوژراون.