Accessibility links

تاڵه‌بانی ده‌ڵێت مانه‌وه‌ی له‌شكری ئه‌مه‌ریكی له عێراق تاوه‌کو دوو ساڵی دیكه‌ پێویسته‌


سه‌رۆك كۆماری عێراق جه‌لال تاڵه‌بانی ده‌ڵێت من له‌و باوه‌ڕه‌دام پێویست به‌ مانه‌وه‌ی له‌شكری ئه‌مه‌ریكی تا دوو ساڵی تر كارێكی پێویسته‌.

له میانه‌ی ووته‌كه‌ی ئه‌مڕۆیدا له "كامبریج" له به‌ریتانیا تاڵه‌بانی گوتی مانه‌وه‌ی سه‌ربازانی ئه‌مه‌ریكی بۆ ماوه‌ی دوو ساڵی دیكه پێویسته ‌تاوه‌كو له‌و ماوه‌یه‌دا عێراق هێزی له‌شكری خۆی ئاماده‌ بكات و به‌رپرسیارێتی ئاسایشی بگرێته‌ ده‌ستی خۆی.

هاوكات سه‌رۆكی عێراقی له‌ ووته‌كه‌یدا، نیگه‌رانی خۆی له‌مه‌ڕ هه‌ڵوێستی كۆنگرسی ئه‌مه‌ریكایی سه‌باره‌ت به ‌دیاریكردنی خشته‌یه‌كی كاتی بۆ كشانه‌وه‌ی هێزه‌كانی ئه‌مه‌ریكی له عێراق ده‌ربڕی.

هاوكات به‌ڕێز تاڵه‌بانی گوتیشی هیوادارم كۆنگرسی ئه‌مه‌ریكی له‌و باره‌یه‌وه ‌هاوكاری له‌ مه‌سه‌له‌ی مانه‌وه‌ی هێزه‌كانی ئه‌مه‌ریكی له عێراق بكات، تا ئه‌و كاته‌ی سوپای عێراقی ده‌توانێت جێگه‌ی له‌شكری ئه‌مه‌ریكی بگرێته‌وه و ئاسایشی و هێمنی له عێراق‌دا سه‌قامگیر ده‌كات.

ئه‌وه‌ی شایانی باسه‌، زۆرینه‌ی ئه‌ندامانی دیموكراته‌كانی نێو كۆنگرس جه‌ختیان له‌سه‌ر دیاریكردنی واده‌ی كشانه‌وه‌ی سوپای ئه‌مه‌ریكی له عێراق كردووه‌.

XS
SM
MD
LG