Accessibility links

سه‌رۆك بوش ده‌ڵێت هه‌وڵی ڕێـكـكه‌وتن له‌گه‌ڵ كۆنگرێس ده‌دات


سه‌رۆك بوش ده‌ڵێت كۆشـكی سـپـی هه‌وڵی گه‌یشـتن به‌ ڕێـكـكه‌وتنێـك له‌گه‌ڵ كۆنگرێسی ئه‌مریكا سه‌باره‌ت به‌ گه‌ڵاڵه‌نامه‌ی بوجه‌ی له‌شـكری بۆ جه‌نگی عێراق ده‌دات، ئه‌و گه‌ڵاڵه‌نامه‌یه‌ی واده‌ی دیاریكردنی پـێشـكه‌وتن له‌ عێراق له‌خۆده‌گرێت.

له‌ گوته‌كه‌یدا سه‌رۆك بوش ڕۆژی پـێـنجشه‌ممه‌ گوتی ئه‌و ده‌سه‌ڵاتی داوه‌ته‌ جۆشـووا بۆڵتنی به‌رپـرس له‌ كاروباری كۆشـكی سـپـی تاوه‌كو بنه‌مایه‌كی هاوبه‌ش بۆ پـێوانه‌كردنی به‌رو پـێشچوونه‌كان له‌ عێراق بدۆزێته‌وه‌، له‌ نێو ئه‌و واده‌یه‌ی به‌رو پـێشچوونانه‌ی كه‌ بۆ حكومه‌تی عێراقی دیاریكراون ڕێـكـكه‌وتنێـكه‌ كه‌ له‌لایه‌ن عێراقیـیه‌كانه‌وه‌ له‌سه‌ر چاره‌سه‌ركردنی شه‌ڕی ئاینزایی و داهاتی نه‌وتی وڵات.

دوابه‌دوای كۆبوونه‌وه‌كه‌ی ڕۆژی پـێـنجشه‌ممه‌ی له‌گه‌ڵ كاربه‌ده‌سـتانی له‌شـكری ئه‌مریكا له‌ پـنتاگۆن له‌ پـشت ده‌رگای داخراو سه‌باره‌ت به‌ بارودۆخی عێراق سه‌رۆك بوش په‌یمانی به‌كارهێنانی ڤیتۆی له‌ دژی ئه‌و گه‌ڵاڵه‌نامه‌یه‌ی كۆنگرێس دووباره‌ گرده‌وه‌، ئه‌وه‌ گه‌ڵاڵه‌نامه‌یه‌ی بوجه‌ی له‌شـكری تا مانگی حه‌وت بۆ كرده‌ی له‌شـكری ئه‌مریكایی له‌ عێراق دابین ده‌كات.

XS
SM
MD
LG