Accessibility links

سه‌رۆك وه‌زیری به‌ریتانیا ڕۆژی ده‌ست له‌كاركێشـانه‌وه‌كه‌ی ڕاده‌گه‌یه‌نێت


پاش 10 سـاڵ له‌ ڕێبه‌رایه‌تی پارتی كارێـكارانی به‌ریتانیا و هه‌روه‌ها گرتنه‌ ده‌ستی پـۆسـتی سه‌رۆك وه‌زیری، تۆنی بلێر ئه‌مڕۆ ڕایگه‌یاند كه‌وا ئه‌و له‌ 27 ی مانگی شه‌ش به‌ فه‌رمی ده‌ست له‌كاركێشـانه‌وه‌ی خۆی ڕاده‌گه‌ینێت.

به‌ڕێز بلێر ئه‌م ژووانه‌ی ڕاگه‌یاند له‌میانه‌ی ئه‌و گوتاره‌ی كه‌ ڕۆژی پـێـنجشه‌ممه‌ بۆ لایه‌نگرانی پارته‌كه‌ی پـێشـكه‌شی كرد له‌ بازنه‌ هه‌ڵـبژاردنه‌یی‌یه‌كه‌ی خۆیدا (ساجیفیڵد) له‌ ڕۆژهه‌ڵاتی باكوری ئینگلته‌را.

پـێشـتر هه‌ر ڕۆژی پـێـنجشه‌ممه‌ به‌ڕێز بلێر نیازه‌كانی خۆی بۆ وه‌زیره‌ باڵاكانی حكومه‌ته‌كه‌ی ئاشـكراكرد.

وه‌زیری دارایی گۆردن بڕاون له‌ گوتارێـكدا ئاماژه‌ی بۆ لـێهاتوویی به‌ڕێز بلێر كرد و به‌ ڕێبه‌رێـكی بێ وێنه‌ ناوزه‌ندی كرد.
پـێـده‌چێت گۆردن بڕاون شوێنی به‌ڕێز بلێر بگرێته‌وه‌.

جێی ئاماژه‌ پـێـكردنه‌ پاش 20 سـاڵ له‌ حوكمڕانی پارتی كۆنه‌پارێزی به‌ریتانی بۆ وڵاته‌كه‌، به‌ڕێز بلێر له‌ سـاڵی 1997 وه‌ پـۆستی سه‌رۆك وه‌زیری به‌ریتانیای گرته‌ ده‌ست. باوه‌ڕ ده‌كرێت به‌ڕێز بلێر ئابوری به‌ریتانیای بوژاندۆته‌وه‌ و هه‌روه‌ها بۆ سێ جار له‌سه‌ر یه‌ك له‌ هه‌ڵـبژاردنه‌ گشـتیـیه‌كاندا پارتی كرێكارانی به‌ره‌و سه‌ركه‌وتن بردووه‌. ئه‌م هه‌فته‌یه‌ش پـێـكهێنانی حكومه‌تێـكی هاوبه‌شی نێوان كاثۆلیـك و پـرۆتسـتانته‌كان له‌ ئێرله‌ندای باكور هێنایه‌ دی.

به‌ڵام شه‌ڕی عێراق و هه‌روه‌ها گه‌نده‌ڵـیـیه‌كی سـیاسی له‌ جه‌ماوه‌رێتی به‌ڕێز بلێری كه‌م كرده‌وه‌.

XS
SM
MD
LG