Accessibility links

مێزگردێـك ده‌رباره‌ی دیارده‌ی توندوتیژی له‌ دژی ژنان له‌ هه‌رێمی كوردستان


له‌ چه‌ند ڕۆژانی ڕابردوو سه‌رنجێـكی زۆر درا له‌سه‌ر توندوتیژی له‌ دژی ژنان به‌ تایبه‌تی له‌ پاش بڵاوكردنه‌وه‌ی ڤیدیۆی كوشـتنی كچێـكی ئێزیدی له‌ به‌عشـیقه‌ له‌ باكوری موسڵ ته‌نها له‌به‌ر ئه‌وه‌ی حه‌زی له‌ كوڕێـك كردبوو ئێزیدی نه‌بوو كه‌ به‌پـێی ئاینی ئێزیدی ئه‌مه‌ حه‌رامه‌. دوو مانگ له‌مه‌وپـێشـیش كچێـكی موسـڵمان له‌ شـێخان له‌ باكوری موسـڵ كوژرا له‌به‌ر ئه‌وه‌ی له‌گه‌ڵ دوو كوڕی ئێزیدی بوو، ‌ناكۆكی له‌سه‌ر دروست بوو، وه‌ له‌وانه‌یه‌ به‌ دروستی قه‌د نه‌زاندرێت مه‌سه‌له‌كه‌ چی بوو به‌ڵام هه‌ندێـك گوتیان كوڕه‌كان یارمه‌تی كچه‌كه‌یان دابوو بۆ ئه‌وه‌ی له‌ كێشه‌یه‌كی خێزانی خۆی ڕزگار بكات. هه‌ندێ لا گوتیان گوایه‌ په‌یوه‌ندی نێوانیان هه‌بووه.‌ مه‌سه‌له‌كه‌ هه‌رچـیـیه‌ك بێت له‌ ناوه‌ڕۆكی ئه‌م توندوتیژیـیه‌ دڕندانه‌یه‌ له‌ دژی ئه‌و دوو ژنه‌ كرا ناگۆڕێت، چونكه‌ گیانی ئه‌و دوو كچه‌ بوو به‌ قوربانی هه‌ندێ داب‌ونه‌ریتی كۆنی باوی ناو كۆمه‌ڵـگای كورده‌واری.

هاوكارمان موعته‌به‌ر شـیروانی هه‌وڵ ده‌دات له‌ مێزگردێـكدا له‌گه‌ڵ دوو خانمی شـاره‌زا له‌و بواره‌ هه‌ندێ گرێ كوێره‌كانی ده‌وروبه‌ری ئه‌م توندوتیژیـیانه‌ بكه‌نه‌وه‌، وه‌ هه‌روه‌ها باسی كۆمه‌ڵـگا و ڕێـگاكانی پـێشگرتن له‌ ڕووداوی ئه‌وها دڵته‌زێن ده‌كه‌ن.
میوانانی مێزگرده‌كه‌ ئه‌م به‌ڕێزانه‌ن:
ڕوناك فه‌ره‌ج، لێـكۆڵه‌ر و سه‌رنووسه‌ری گۆڤاری ڕێوان له‌ شـاری سـلێمانی.
چۆمان هه‌ردی، نووسه‌ر و لـێـكۆڵه‌ره‌وه‌ بنكه‌ له‌ له‌نده‌ن.
ده‌توانن گوێبیسـتی ده‌قی مێزگرده‌كه‌ بن له‌ ڕێـگه‌ی كلیـكـكردنی ئه‌و فایله‌ ده‌نـگیـیه‌ی سه‌ره‌وه‌، ماوه‌كه‌ی 18 خوله‌كه‌.

هه‌ڵبه‌ستێك پێشكه‌ش به گیانی كچه كوردی حه‌فده سالی، دوعا. فایلی ده‌نگی سه‌ره‌وه‌ی ئه‌م په‌ره كلیك بكه‌.

بابه‌تی په‌یوه‌ندیدار

XS
SM
MD
LG