Accessibility links

نه‌ته‌وه‌ یه‌كگرتووه‌كان له‌سه‌ر مافه‌كانی مرۆڤ له‌ ئێران ده‌دوێت


نه‌ته‌وه‌ یه‌كگرتووه‌كان له‌سه‌ر مافه‌كانی مرۆڤ له‌ ئێران ده‌دوێت

نه‌ته‌وه‌ یه‌كگرتووه‌كان له‌سه‌ر مافه‌كانی مرۆڤ له‌ ئێران ده‌دوێت

ئه‌نجومه‌نی ئاسایشی نه‌ته‌وه‌ یه‌كگرتووه‌كان داوای له‌ كاربه‌ده‌سـتانی ئێرانی كرد " ڕێزی ته‌واو له‌ مافه‌كانی ئازادی به‌ستنی كۆبوونه‌وه‌ و ده‌ربڕینی بیروڕا و هه‌روه‌ها په‌یڕه‌وی قانون له‌ وڵاتدا بكرێت و مسـۆگه‌ری بكه‌ن. ئه‌نجومه‌نی ناوبراو داواشی له‌ لـێـپـرسـراوانی ئێرانی كردووه‌ به‌كارهێنانی ئه‌شـكه‌نجه‌دان و شـێوازی بێ به‌زه‌یـیه‌كانی دیكه‌ش هه‌ڵـبگرن."

بڕیاره‌كه‌ كه‌ له‌ لایه‌ن كه‌نه‌داوه‌ پـێشـكه‌ش كرا و چل و سێ وڵاتی دیكه‌ پـشـتگیری لێده‌كه‌ن، "نیگه‌رانی زۆری" له‌مه‌ڕ پـێشـێـلكاریـیه‌كانی ئێرانی بۆ مافه‌كانی مرۆڤ ده‌ربڕیوه‌ و هاوكات بڕیاره‌كه‌" داوای نه‌هێشـتنی هه‌موو جۆره‌كانی جیاوازیكردن له‌سه‌ر بنه‌مای ئاینی و ڕه‌گه‌زی و فه‌رهه‌نگی له‌ یاسا و په‌یڕه‌وی كردنیان كردووه‌. هه‌روه‌ها بڕیاره‌كه‌ داوای كۆتایی هێنان به‌ پـێشـێـلـكردنی مافه‌كانی مرۆڤ له‌ دژی كه‌مه‌ نه‌ته‌وایه‌تی، له‌وانه‌ عه‌ره‌ب و ئازه‌ری و به‌هایی و بلوچی و كورد و مه‌سیحی و جوله‌كه‌ و سۆفی و سونی ئاینزا ده‌كات."

دوایـین ڕاپـۆرتی مافه‌كانی مرۆڤی وه‌زاره‌تی ده‌ره‌وه‌ی ئه‌مریكا له‌سه‌ر ئێران ئاماژه‌ ده‌د‌ات به‌وه‌ی ئه‌و كه‌مه‌ نه‌ته‌و‌ایه‌تیـیانه‌ی كه‌ ئیسلام نین، به‌ تایبه‌ت به‌هایـیه‌كان، به‌هۆی بیروباوه‌ڕی ئاینیـیانه‌وه‌ دووچاری به‌ندكردن و ته‌نگ پـێـهه‌ڵـچنین و تۆقاندن بوونه‌ته‌وه‌. له‌ هه‌مان كاتیشـدا نه‌ته‌وه‌كانی دیكه‌ش تاڵی جیاوازیكردنی سـیاسی و ئابوری ده‌چێژن.

فه‌ختی زه‌مانی سه‌رۆكی گروپـی مافه‌كانی مرۆڤی ئازه‌ریـیه‌ ئێرانیـیه‌كانی بنكه‌ له‌ كه‌نه‌دا ده‌ڵێت ئه‌مڕۆ له‌ ئێران " هه‌موو كه‌مه‌ نه‌ته‌وایه‌تیـیه‌كانی وه‌ك ئازه‌ری و كورد و عه‌ره‌ب و ئه‌وانی دیكه‌ له‌ مافه‌كانی بنه‌ڕه‌تی ژیان و له‌ ئازادی و ده‌ربڕینی جیاوازی كه‌لتوریـیان بێ به‌ری كراون. خانم زه‌مانی ده‌ڵێت ئه‌و كه‌سـانه‌ی له‌ ئێران داوای ڕێزگرتن له‌ كه‌لتوریان بكه‌ن ڕووبه‌ڕووی سه‌رشۆڕكردن و گرتن و هه‌روه‌ها دادگایـیـكردن ده‌بنه‌وه‌.

تۆنی سـنۆی گوته‌بێژی كۆشـكی سـپـی ده‌ڵێت وڵاته‌ یه‌كگرتووه‌كانی ئه‌مریكا ده‌یه‌وێت كاربه‌ده‌سـتانی ئێرانی ڕێز له‌ سه‌رجه‌م هاوڵاتیـیانی ئێرانی بگرن:

ئێمه‌ بڕوامان وایه‌ خه‌ڵـكانی ئێران وه‌كو ئه‌فغانیـیه‌كان و عێراقیـیه‌كان و هه‌روه‌ها خه‌ڵـكانی سه‌رانسه‌ری جیهان شـایسـته‌ی ئه‌وه‌ن دیموكراسی و ئازادیـیان هه‌بێت، تاوه‌كو هه‌ریه‌كه‌یان بتوانێت به‌هره‌ و كارامه‌یی خۆی بخاته‌ ڕوو و هه‌روه‌ها بۆ ئه‌وه‌ی هه‌ست به‌وه‌ی كه‌ نه‌ك ته‌نها ئـازادی خۆشـگوزه‌رانیـیان بۆ ده‌هێنێت به‌ڵـكو هه‌روه‌ها به‌ ئه‌نجام گه‌یاندنیشی.

سه‌رۆك جۆرج بوش ده‌ڵێت ئێران" وڵاتێـكی سه‌ربه‌رز و خاوه‌نی مێژوو و دابونه‌ریتێـكی مه‌زنه.‌" له‌ گوتاره‌كه‌یدا له‌ ئه‌نجومه‌نی گشتی نه‌ته‌وه‌ یه‌كگرتووه‌كان سه‌رۆك جۆرج بوش به‌ هاوڵاتیـیانی ئێرانی گوت " گه‌وره‌ترین ته‌گه‌ره‌ی به‌رده‌م دوا ڕۆژتان ئه‌وه‌یه‌ ڕابه‌ره‌كانتان بژاره‌ی زه‌ودكردنی سه‌ربه‌خۆیـیتانیان هه‌ڵبژاردووه‌."

ئه‌م گوتاره‌ بیروباوه‌ڕی حكومه‌تی وڵاته‌ یه‌كگرتووه‌كانی ئه‌مریكایه‌.

XS
SM
MD
LG