Accessibility links

لایه‌نگران و نه‌یارانی حكومه‌تی لوبنانی له‌ به‌یروت به‌یه‌كدا ده‌ده‌ن


له‌ ئاكامی به‌یه‌كدادانی لا‌یه‌نـگرانی حكومه‌تی لوبنانی و ئۆپـۆزیسـیۆن له‌ به‌یروتی پایته‌خت به‌لایه‌نی كه‌م 2 كه‌س كوژراون.

هه‌روه‌ها له‌ شه‌ڕ و پـێـكدادانه‌كه‌ی ڕۆژی پـێنجشه‌ممه‌ی نزیك زانكۆی عه‌ره‌ب له‌ به‌یروت به‌لایه‌نی كه‌م 20 كه‌س بریندار بوون. شه‌ڕ و پـێـكدادانه‌كه‌ له‌ سه‌ره‌تا له‌ نێو زانـكۆوه‌ ده‌ستـیـپـێـكرد و پاشـان به‌ خێرایی ته‌شه‌نه‌ی كرد و جاده‌ و بانه‌كانی ناوچه‌ی ده‌وروبه‌ریشی گرته‌وه‌. لایه‌نـگرانی حكومه‌تی لوبنانی و ئۆپـۆزیسـیۆن به‌ ڕابه‌رایه‌تی حزبوڵـڵا به‌ دار و به‌رد كه‌وتنه‌ گیانی یه‌كتری و ئاژاوه‌ گێڕان ئۆتۆمبیل و ماشـێنی ناوچه‌كه‌یان تـێـك‌وپـێـك شـكاند و تایه‌ی ماشـێنیان له‌سه‌ر جاده‌كان سـوتاند. دواتر هێزی له‌شـكری لوبنانی بۆ ئارام كردنه‌وه‌ی ڕه‌وشه‌كه‌ بانگهێشت كرا.

هه‌روه‌ك هه‌وڵـێـكیش بۆ دامركاندنه‌وه‌ی شه‌ڕ و پـێـكدادانی ڕۆژی پـێـنجشه‌ممه‌ی زانكۆی عه‌ره‌ب له‌ به‌یروت به‌رپـرسـانی له‌شـكری فه‌رمانی قه‌ده‌غه‌ی هاتووچۆیان ڕاگه‌یاندووه‌.

هاوكات حه‌سه‌ن نه‌سروڵای ڕابه‌ری گروپی حزبـوڵـڵا داوای له‌ لایه‌نـگرانی خۆی كردووه‌ پابه‌ندی فه‌رمانی قه‌ده‌غه‌ی هاتووچۆكه‌ بـبن.

XS
SM
MD
LG