Accessibility links

خوێندكارانی زانكۆیه‌كی تاران گوتار خوێندنه‌وه‌یه‌كی ئه‌حمه‌دی نه‌ژاد تێـك ده‌ده‌ن


خوێندكارانی زانـكۆیه‌كی ئێرانی خۆپـیشـاندانێـكی ناڕه‌زایی كه‌م وێنه‌یان له‌ دژی مه‌حمود ئه‌حمه‌دی نه‌ژادی سه‌رۆكی ئێران ڕێـكخست.

ڕۆژی دووشه‌ممه‌ ئه‌حمه‌دی نه‌ژاد سه‌ردانی زانكۆی ئه‌میر كه‌بیری له‌ تاران كرد، وه‌ له‌ كاتی پـێشـكه‌شـكردنی گوتاره‌كه‌ی خوێندكاران ده‌سـتیان كرد به‌ هوتافكێشـان و ده‌یانگوت "مه‌رگ بۆ دیكتاتۆر" و وێنه‌یه‌كیشـیان سووتان و كه‌وتنه‌ هه‌ڵدانی ده‌مه‌قاچان. به‌ڵام كه‌س ده‌ستگیر نه‌كرا.

ده‌زگاكانی ڕاگه‌یاندنی ئێران ده‌ڵێـن به‌ڕێز ئه‌حمه‌دی نه‌ژاد نه‌یهێشـتووه‌ خوێندكاره‌كان گوتاره‌كه‌ی لێ تێـك بده‌ن. به‌ڵام پاش ئه‌وه‌ی خوێندكاره‌كان به‌ دیكتاتۆر ناوزه‌ندیان كرد، ئه‌حمه‌دی نه‌ژاد گوتی وڵاته‌ یه‌كگرتووه‌كانی ئه‌مریكا دیكتاتۆر بووه‌.

ئه‌حمه‌دی نه‌ژاد له‌ لێدوانه‌كه‌یدا گوتیشی ئێران پـێشـڕه‌و بووه‌ له‌ ئازادی و دادپه‌روه‌ری و ڕژێمی ئاینی.

XS
SM
MD
LG