Accessibility links

ڕوودانی ته‌قینه‌وه‌یه‌ک له گه‌ڕه‌کی شاری سه‌در له به‌غدا 7 که‌س ده‌کوژێت


کاربه‌ده‌ستانی عێراقی ده‌ڵێن ته‌قینه‌وه‌ی بۆمبێک له گه‌ڕه‌کی سه‌دری به‌غدای پایته‌خت بۆته‌ هۆی کوشتنی 7 که‌س و بریندار بوونی 45 که‌سی دیکه‌.

کاربه‌ده‌ستان ده‌ڵێن ماتۆڕێک که هه‌ڵگری که‌ره‌سته‌ی ته‌قینه‌وه‌ بووه، له ڕۆژی پێنج شه‌ممه‌ دا له ناو بازاڕێکی ناوچه‌که‌دا ته‌قیوه‌ته‌وه‌.

پێشتریش له هه‌مان ڕۆژدا، یاخیبوان ته‌قه‌یان له مامۆستایه‌کی کۆلێجی ئابوری و کارگێڕی زانکۆی به‌غدا کرد. له کاتی هێرشه‌که‌دا، مامۆستاکه‌ کوڕه‌که‌یی و ژنه‌که‌شی له‌گه‌ڵدا بووه و هه‌رهه‌موویان ده‌ستبه‌جێ گیانیان له ده‌ستداوه‌. هه‌روه‌ها چه‌کداران کاپتنی تیپی وه‌رزشی که‌م ئه‌ندامانیشیان له به‌غدا ڕفاندووه‌.

له میانه‌ی هێرشه‌کانی تری به‌غدا و چوارده‌وری‌دا، به‌ لایه‌نی که‌مه‌وه‌ 3 ئه‌فسه‌ری پۆلس کوژراون. له پارێزگای دیاله‌ له باکوری ڕۆژهه‌ڵاتی به‌غدا چه‌کداران دوو ئه‌فسه‌ریپۆلیس و که‌سێکی سیڤیڵیان کوشتووه‌. ‌‌

XS
SM
MD
LG