Accessibility links

سه‌رۆك بوش و سه‌رۆك كارزای له كۆشكی سپی كۆده‌بنه‌وه‌


سه‌رۆك بوش ده‌ڵێت شه‌ڕوپێكدادان له ئه‌فغانستان به‌شێكه‌ له‌ خه‌باتی جیهانی دژ به‌ تیرۆریزم.

سه‌رۆك بوش و سه‌رۆك كارزای ڕۆژی سێشه‌ممه ‌له‌ كۆشكی سپی كۆنگره‌یه‌كی ڕۆژنامه‌وانی هاوبه‌شیان به‌ست و سه‌رۆك بوش گوتی ئه‌مه‌ریكیه‌كان یارمه‌تی حكومه‌تی كابوڵ ده‌ده‌ن تاوه‌‌كو له به‌ره‌نگاربوونه‌وه‌ی تیرۆرستان‌دا سه‌ركه‌وتن به‌ ده‌ست بهێنن. هه‌روه‌ها گوتی تاڵیبانه‌كان و ئه‌لقاعیده هه‌وڵ ده‌ده‌ن شكست به پرۆسه‌ی دیموكراتیزه‌كردنی ئه‌م ووڵاته‌ی باشوری ئاسیا بهێنن تاوه‌كو بتوانن له‌وێوه‌ هێرشه‌كان له سه‌رانسه‌ری جیهان‌دا به ده‌ست بهێنن.

هه‌روه‌ها به‌ڕێز كارزای سوپاسگوزاری خۆی بۆ به‌ڕێز بوش و گه‌لی ئه‌مریكا نیشاندا بۆ ئه‌و یارمه‌تیه‌ی به‌ ووڵاته‌كه‌یانداوه‌. هه‌روه‌ها گوتی هه‌ردوو ڕێبه‌ر گفتوگۆیان له‌سه‌ر گه‌لێك بابه‌ت كردووه‌ و له‌وانه‌ ئاوه‌دانكردنه‌وه‌ی ئه‌فغانستان و په‌یوه‌ندی كابوڵ له‌گه‌ڵ پاكستان‌دا.

ڕۆژی چوارشه‌ممه‌ش، سه‌رۆكی پاكستانی پێرێز موشه‌ره‌ف به‌شداری كۆبونه‌وه‌یه‌كی هاوبه‌ش له‌گه‌ڵ هه‌ردوو ڕێبه‌ران بوش و كارزای‌دا ده‌كات.

XS
SM
MD
LG