Accessibility links

ئێران پـێـشنیاره‌كه‌ی ئه‌مریكا له‌مه‌ڕ وتووێژی ڕاسته‌وخۆ به‌ پـرۆپاگه‌نده‌ له‌قه‌ڵه‌م ده‌دات


ئاژانسی هه‌واڵه‌كانی ئێرانی ڕه‌سمی (IRNA) پـێـشـنیاره‌كه‌ی ئه‌مریكای به‌ شـتێـكی پـرۆپاگه‌نده‌یی له‌ قه‌ڵه‌مدا. ده‌شـڵێت ڕاگرتنی پـیتاندنی یۆرانیۆم له‌و بابه‌تانه‌ نیـیه‌ كه‌ ئێران بایه‌خی پـێ بدات.

پـێـشـتر وڵاته‌ یه‌كگرتووه‌كانی ئه‌مریكا ڕایگه‌یاندبوو كه‌ ئاماده‌یه‌ په‌یوه‌ندی به‌ ئه‌وروپـیـیه‌كانه‌وه‌ بكات له‌ وتووێژه‌ ڕاسته‌وخۆكانیاندا له‌گه‌ڵ ئێران سه‌باره‌ت به‌ به‌رنامه‌ ناوه‌كیـیه‌كه‌ی تاران، ئه‌گه‌ر ئێران پـیتاندنی یۆرانیۆم ڕابگرێت.

سه‌رۆك بوش ڕۆژی چوارشه‌ممه‌ گوتی بۆ واشـنتۆن گرنـگه‌ كه‌ له‌ پـێشـه‌وه‌ بێت بۆ كۆتایی هێنان به‌ كێشه‌ی به‌رنامه‌ی ناوه‌كی ئێران . وه‌زیری ده‌ره‌وه‌ی وڵاته‌ یه‌كگرتووه‌كانی ئه‌مریكا كۆنده‌لیزا ڕایس گوتی وڵاته‌ یه‌كگرتووه‌كانی ئه‌مریكا به‌ دوای چاره‌سه‌رێـكی دیبلۆماسی ده‌گه‌ڕێت، به‌ڵام ئه‌وه‌ی وا له‌ واشـنتۆن ده‌كات هه‌موو بژاره‌كانی له‌به‌رده‌مدا كراوه‌بێت، به‌رده‌وام بوونی تارانه‌ له‌ پـیتاندنی یۆرانیۆم.

یه‌كێتی ئه‌وروپا پـێـشـوازیـیان له‌و هه‌ڵوێسـته‌ی ئه‌مریكا كرد. به‌رپـرسه‌ ئه‌وروپـیـیه‌كانیش گوتیان ئه‌وه‌ ده‌سته‌ی پـێـشـنیاره‌كانی كه‌ له‌ لایه‌ن به‌ریتانیا و فه‌ره‌نسا و ئه‌ڵمانیا ئاماده‌ كراوه‌ به‌هێز ده‌كات.

هه‌روه‌ها ئاژانسی نێوده‌وڵه‌تی وزه‌ی ئه‌تۆمی كه‌ بنكه‌كه‌ی له‌ ڤیـیه‌نایه‌ پـێـشوازی له‌و ڕاگه‌یاندنه‌ی ئه‌مریكا كرد.

شـایانی باسه‌ وتووێژی ڕاسته‌وخۆی فه‌رمی له‌ نێوان ئه‌مریكا و ئێراندا ڕوی نه‌داوه‌ له‌وه‌ته‌ی له‌ سـاڵی 1979 وه‌ په‌یوه‌ندیـیه‌كانی نێوان هه‌ردوو وڵات پـچـڕاوه‌.

XS
SM
MD
LG