Accessibility links

له‌شکری ئه‌مریکی 12 یاخیبوییان له عێراق کوشتووه‌


له‌‌شکری ئه‌مریکی ده‌ڵێت له ئاکامی هێرشێکی له‌شکری بۆ سه‌ر خانوییه‌کی نزیک به‌غدای پایته‌خت، 12 چه‌کداری گومانلێکراو و ژنێک کوژراون.

له به‌یاننامه‌یه‌کی له‌شکرییدا، له‌شکری ئه‌مریکی ده‌ڵێت پێنج تیرۆرستیان له ده‌ره‌وه‌ی خانوییه‌کی شارۆچکه‌ی یوسفیه‌ کوشتووه‌ پێش ئه‌وه‌ی هێرشێکی ئاسمانی بکه‌نه‌ سه‌ر ناوچه‌که‌. سه‌ربازه‌کان له پاشدا ژماره‌یه‌ک ماڵ و خانوی ناوچه‌که‌یان پشکنیوه‌ و ته‌رمی زیاتر له حه‌وت تیرۆرستی تر و ژنێکیان دۆزیوه‌ته‌وه‌.

ڕاگه‌یاندنه‌که‌ ئاماژه‌شیدا به‌وه‌ی که‌ كوژراوه‌كان ڕه‌ختیان له‌ خۆیان به‌ستبوو وه‌ دوو نارنجۆكی ده‌سـتیشـیان پێ بووه‌.

له‌ به‌غداش، ڕۆژی چوارشه‌ممه‌ پۆلیس گوتی ته‌رمی چوار که‌سییان دۆزیوه‌ته‌وه که جێ برینداری گولله‌ به‌ سه‌رییانه‌وه‌ بووه‌ و نیشانه‌ی ئازار و ئه‌شکه‌نجه‌دانیان پێوه‌ بووه‌.

له باشوری ووڵاتیش، پۆلیسی شاری که‌ربه‌لا ڕایگه‌یاندووه‌ که‌وا ته‌رمی شه‌ش که‌س له که‌ناری شاره‌که‌دا دۆزراونه‌ته‌وه‌. ده‌سه‌ڵاتداران ده‌ڵێن هه‌ر شه‌شیان جێ شوێنی ته‌قه و ئه‌شکه‌نجه‌دانیان پێوه‌ دیار بووه.

XS
SM
MD
LG