Accessibility links

پۆلیسی فه‌له‌ستینی په‌لاماری بینایه‌کی حکومی ده‌ده‌ن


کاربه‌ده‌ستانی ئاسایشی فه‌له‌ستینی ده‌ڵێن ژماره‌یه‌ک پۆلیسی ده‌موچاو داپۆشراو په‌لاماری بینایه‌کی حکومییان له که‌رتی غه‌ززه‌ داوه‌ به‌هۆی توڕه‌ییان له‌ وه‌رنه‌گرتنی موچه‌ی مانگانه‌یان له حکومه‌تی به‌ ڕێبه‌رایه‌تی حه‌ماس.

کاربه‌ده‌ستانی ئاسایش ده‌ڵێن نزیکه‌ی 50 ئه‌فسه‌ری پۆلیس ڕۆژی شه‌ممه‌ ڕێگای سه‌ره‌کی شارۆچکه‌ی خان یونس یان له که‌رتی غه‌ززه‌ گرتووه‌ و چوارده‌وری ده‌زگای شاره‌وانییان گرتووه‌، هه‌روه‌ها چونه‌ته‌ سه‌ربانی بیناکه‌ و ته‌قه‌یان به‌ ئاسماندا کردووه.

ئه‌م خۆپیشاندانه‌‌ وه‌ک نیشانه‌یه‌که‌ بۆ ناڕه‌زایی ده‌ربڕین له دژی حکومه‌تی نوێی فه‌له‌ستینیه‌کانی به‌ ڕێبه‌رایه‌تی حه‌ماس که له مانگی ڕابردوودا کاروباری گرته‌ ده‌ست.

ده‌سه‌ڵاتدارێتی فه‌له‌ستینی دووچاری کێشه‌ی دارایی بۆته‌وه‌ و له مانگی سێی ڕابردووه‌وه‌ نه‌یانتوانیوه‌ موچه‌ی 140 هه‌زار کارمه‌ندی حکومه‌ت دابین بکه‌ن.‌

جێی باسه‌، وڵاتانی خۆرئاوا یارمه‌تیه‌کانیان له حکومه‌تی فه‌له‌ستینی بڕیوه‌ و داوا له حه‌ماس ده‌که‌ن توندوتیژی ڕه‌ت بکاته‌وه‌ و دان به بوونی ئیسرائیل‌دا بهێنێت.

XS
SM
MD
LG