Accessibility links

به‌هۆی مینێـكی سه‌ره‌ڕێوه 2 سه‌ربازی توركی ده‌كوژرێن


كاربه‌ده‌ستانی توركی ده‌ڵێن له‌ دواهه‌مین توند و تیژی له‌گه‌ڵ شه‌ڕكه‌ره‌ جودایی خوازه‌كان له‌ ناوچه‌ی باشوری ڕۆژهه‌ڵاتی وڵاتـدا، ڕۆژی شه‌ممه‌ مینێـكی سه‌ره‌ڕێ 2 سه‌ربازی كوشـتووه‌.

كاربه‌ده‌ستان ده‌ڵێن مینه‌كه‌ 2 ئه‌ندامی دیكه‌ی هێزه‌كانی ئاسایشی توركیای بریندار كردووه‌. ئه‌م ته‌قینه‌وه‌یه‌ دێت پاش ڕۆژێـك له‌وه‌ی هێزه‌كانی توركیا له‌ پـێـكدادانێـكدا له‌ شیرناخ له‌ نزیك‌ سنوری عێراق 6 ئه‌ندامی پارتی كرێـكارانی كوردستانیان كوشـتووه‌.

له‌شـكری توركی كرداره‌ سه‌ربازیـیه‌كانی زیاد كردووه‌ له‌ ناوچه‌ی باشوری ڕۆژهه‌ڵاتی وڵاته‌كه‌یان به‌مه‌به‌ستی دانانی سنورێـك بۆ توند و تیژی له‌و ناوچه‌یه‌دا.

توركیا‌ و وڵاته‌ یه‌كگرتووه‌كانی ئه‌مریكا و یه‌كـێـتی ئه‌وروپا پارتی كرێـكارانی كوردستان به‌ پارتێـكی تیرۆریستی له‌ قه‌ڵه‌م ده‌ده‌ن.
له‌ ساڵی 1984 تا ئێستا زیاتر له‌ 30 هه‌زار كه‌س كوژراون له‌وه‌ته‌ی په‌كه‌كه‌ شه‌ڕی به‌ مه‌به‌ستی جیابوونه‌وه‌ ده‌ست پـێـكردووه‌.

XS
SM
MD
LG