Accessibility links

شه‌پۆله‌کانی باو باهۆز و باران له ئه‌مریکا 18 که‌س ده‌کوژێت


تۆرنه‌یدۆ یاخود شه‌پۆله‌ به‌هێزه‌کانی باوباهۆز له ناوه‌ندی ئه‌مریکا له ڕۆژی یه‌کشه‌ممه‌وه‌ بونه‌ته‌ هۆی کوشتنی به‌ لایه‌نی که‌مه‌وه‌ 18 که‌س و باوه‌ڕده‌کرێت ئه‌مڕۆ دووشه‌ممه‌ش شه‌پۆلی تر به‌ڕێوه‌بێت.

ده‌سه‌ڵاتداران ده‌ڵێن شه‌پۆله‌کانی باوباهۆز دوو که‌سیان کوشتوه‌ و له ویلایه‌تی میزۆریشی دوو که‌س و له ویلایه‌تی ئیلینۆیز و له نزیک سنوری میزۆری یه‌کێکی تریش گیانی له ده‌ستداوه‌.

هه‌روه‌ها ڕۆژی یه‌کشه‌ممه‌، شه‌پۆله‌ به‌هێزه‌کانی باوباهۆز و باران و هه‌وره‌تریشقه‌ و تۆرنه‌یدۆ هه‌ندێ له به‌شه‌کانی ویلایه‌ته‌کانی ئه‌رکه‌نساس و کنتاکی و هندستانیشی گرته‌وه‌.

له زۆربه‌ی زۆری ناوچه‌کانیشدا برینداری که‌وتۆته‌وه‌.

ئه‌م شه‌پۆلانه‌ زیانێکی زۆرییان به‌ بیناو خانوه‌کانی ئه‌و ناوچانه‌گه‌یاندووه‌ و ڕاپۆرته‌کانی ناوخۆ ده‌ڵێن هه‌وڵه‌کانی فریاگوزاری به‌هۆی گیرانی ڕێگاوبانه‌کان به پاشماوه‌ی بینا ڕوخاوه‌کان و دره‌خته‌ که‌وتووه‌کان به‌ باشی به‌ڕێوه‌ ناچن و کۆسپ و ته‌گه‌ره‌یان دێته‌ ڕێ.

شاره‌زایانی که‌شوهه‌واش ده‌ڵێن شه‌پۆلی تری باو بارانی به‌هێزی تر به‌ره‌وه ڕۆژهه‌ڵاتی باشوری ئه‌مریکا به‌ڕێوه‌ ده‌چێت واتا هه‌ر له واشنتۆنی پایته‌خته‌وه‌ تاوه‌کو ویلایه‌تی جۆرجیا.

XS
SM
MD
LG