Accessibility links

له باشوری به‌غدا به‌ لایه‌نی که‌مه‌وه‌ 50 یاخیبوو ده‌ستگیرکراون


پۆلیسی عێراقی به‌ هاوکاری سه‌ربازه‌ ئه‌مریکیه‌کان به‌ لایه‌نی که‌مه‌وه‌ 50 یاخیبویان ده‌ستگیرکردووه‌ که‌ په‌لاماری بنکه‌یه‌کی پۆلیسیان له باشوری به‌غدا دابوو.

کاربه‌ده‌ستان ده‌ڵێن کۆمه‌ڵێک چه‌کدار به‌ موشه‌ک و هاوه‌ن و کڵاشینکۆفه‌وه‌ گیراون کاتێک له به‌ره‌به‌یانی ڕۆژی چوارشه‌ممه‌ په‌لاماری بنکه‌یه‌کی پۆلیسیان له گه‌ڕه‌کی مه‌دائن له به‌غدا له داوه‌.

پۆلیسی عێراقی و سه‌ربازه‌ ئه‌مریکیه‌کان بۆ ماوه‌ی دوو کاتژمێر له پێکداداندا بوون و له ئاکامدا به‌ لایه‌نی که‌مه‌وه‌ 4 ئه‌فسه‌ری پۆلیس کوژراون.

ده‌سه‌ڵاتدارانی عێراقیش ده‌ڵێن سورییه‌ک له نێو یاخیبواندا گیراوه‌.

ئه‌م هێرشه‌ی ڕۆژی چوارشه‌ممه‌ له ڕۆژێک دوای په‌لاماردانه‌که‌ی مقدادیه‌ هات که‌ کرابووه‌ سه‌ر به‌ندیخانه‌یه‌کی ئه‌و شارۆچکه‌یه‌ له‌ باکوری به‌غدا و له ئاکامدا زیاتر له 30 به‌ندکراو ئازاد کرابوو. جێی باسه‌ گروپی ئه‌نجومه‌نی شورای موجاهدین که گروپێکی سونیه‌ به‌رپرسێتی خۆیان به‌رامبه‌ر ئه‌و په‌لاماردانه‌ نیشاندابوو.

XS
SM
MD
LG