Accessibility links

ئوردون پیلانێکی خۆکوژی ئه‌لقاعیده‌ ئاشکرا ده‌کات


ئوردون ڕاده‌گه‌یه‌نێت که‌وا پیلانی هێرشێکی خۆکوژی ئه‌لقاعیده‌یان ئاشکرا کردووه‌ که تیرۆرستان به‌ نیازبوون له‌ ناوچه‌یه‌کی سیڤیڵیدا ئه‌نجامی بده‌ن.

ته‌له‌فزیۆنی ڕه‌سمی ئوردون ڕۆژی چوارشه‌ممه‌ ڕایگه‌یاند که‌وا یه‌کێکی خه‌ڵکی لیبیا و دوانی عێراقی ده‌ست گیرکراون به‌هۆی په‌یوه‌ندییان به‌و پیلان دانانه‌وه‌. له‌و ڕاپۆرته‌ی ته‌له‌فزیۆنی ئوردونیدا ڕاگه‌یه‌ندراوه‌ که نیشانه‌که‌ شوێنێکی گرنگی مه‌ده‌نی بووه‌، به‌ڵام شوێنه‌که‌ی دیارینه‌کردووه‌.

جێی باسه‌، له مانگی یانزده‌ی ڕابردوودا، ئوردون دوچاری هێرشێکی خۆکوژی بوو که له عه‌مانی پایته‌خت ئه‌نجامدرا و تیایدا 60 که‌س کوژران. ڕێکخراوی ئه‌لقاعیده‌ش به‌رپرسێتی خۆی به‌رامبه‌ر ئه‌نجامدانی ئه‌و هێرشه‌ نیشاندا.

XS
SM
MD
LG