Accessibility links

سه‌رۆك وه‌زیری ئیسرائیلی ده‌سه‌ڵاته‌كانی خۆی ده‌داته‌ ده‌ست جێگره‌که‌ی پێش ئه‌وه‌ی نه‌شته‌رگه‌رییه‌کی دڵی بۆ ئه‌نجام بدرێت


ئیسرائیل ده‌ڵێت سه‌رۆك وه‌زیر ئه‌ریاڵ شارۆن كاره‌كانی به‌ جێگره‌که‌ی ڕاده‌سپێرێت پـێش ئه‌وه‌ی له ڕۆژی پێنج شه‌ممه‌دا نه‌شته‌رگه‌ری دڵی له‌ نه‌خۆشخانه‌یه‌كی ئۆرشه‌لیم-ئه‌لقودس بۆ ئه‌نجام بدرێت.

جێگری سه‌رۆك وه‌زیر ئیهۆد ئولمه‌رت پـێـش بینی ده‌كات‌ بۆ ماوه‌ی سێ سه‌عات ده‌سـه‌ڵاته‌كانی سه‌رۆك وه‌زیر بگرێته‌ ده‌ست، له‌و كاته‌ی پـزیشكه‌كانی نه‌خۆشخانه‌ی زانكۆی حه‌داسه‌‌ ئه‌ریاڵ شارۆن بێ‌هۆش ده‌كه‌ن و نه‌شته‌رگه‌ری‌یه‌كه‌ی ئه‌نجام ده‌ده‌ن بۆ گرتنی ئه‌و كونه‌ بچوكه‌ی له‌ دڵیایه‌تی.

ئه‌و كونه‌ش دۆزرایه‌وه‌ دوای ئه‌وه‌ی ئه‌و سه‌ركرده‌ به‌ ته‌مه‌نه‌ی( 77 ساڵ) ئیسرائیل له‌ 18 مانگی كانونی یه‌كه‌می ساڵی ڕابردوو جه‌ڵده‌ لێی دا.

پـزیشكه‌كان پـێـیان وایه‌ ئه‌و نه‌شته‌رگه‌ری‌یه‌ی كه‌ بڕیاره‌ ڕۆژی پێنج‌شه‌ممه‌ ئه‌نجام بدرێت ڕێـگه‌ له‌ دووباره‌ بوونه‌وه‌ی جه‌ڵده‌ی له‌و جۆره‌ له‌ ئاینده ‌دا بگرێت .

XS
SM
MD
LG