Accessibility links

سه‌رۆكی عێراقی بانگه‌شه‌ی به‌شدارییه‌كی زۆری ده‌نگده‌ران له هه‌ڵبژاردنه‌ په‌رله‌مانتارییه‌كاندا ده‌كات


سه‌رۆكی عێراقی جه‌لال تاڵه‌بانی له‌ هه‌موو ئه‌و پانزده ملیۆن كه‌س عێراقیه‌ی كه مافی ده‌نگدانیان هه‌یه، داوای به‌شداربوونی هه‌ڵبژاردنه‌كانیان لێده‌كات. ئه‌و هه‌ڵبژاردنه‌ی كه عێراقیه‌كان هیوادارن ببێته‌ خاڵێكی وه‌چه‌رخان بۆ ئاسایش و چه‌سپاندنی ئارامی له ووڵاته‌كه‌دا.

به‌ڕێز تاڵه‌بانی ڕۆژی چوارشه‌ممه‌ گوتی به‌شداری زۆری خه‌ڵكی ئه‌و شه‌رعیه‌ته‌ به حكومه‌تی نوێ ده‌به‌خشتێت كه بۆ به‌گژداچوونه‌وه‌ی تیرۆرستان پێویسته‌.

له لایه‌كی تره‌وه، كاربه‌ده‌ستانی هه‌ڵبژاردن ده‌ڵێن ڕۆژی سێشه‌ممه‌ هه‌شتا هه‌زار عێراقی ده‌ره‌وهی ووڵات له پانزده‌ ووڵاتی جودای جیهاندا ده‌نگیانداوه‌.‌

هه‌روه‌ها كاربه‌ده‌ستان ده‌ڵێن زیاتر له شه‌ش هه‌زار كه‌س خۆیان بۆ 275 كورسی په‌رله‌مانی عێراقی كاندید كردووه‌.‌‌‌

XS
SM
MD
LG