Accessibility links

پاكستان راده‌گه‌یه‌نێت كه ژماره‌ی قوربانیانی بومه‌له‌رزه‌ی رۆژی شه‌ممه زیاتره له نۆزده هه‌زار كه‌س


حكومه‌تی پاكستان رایگه‌یاند كه‌وا زیاتر له نۆزده هه‌زار كه‌س له بومه‌له‌رزه‌ی رۆژی شه‌ممه كوژراون و كاربه‌ده‌ستان ده‌لێن ژماره‌ی قوربانیان له‌وانه‌یه زیاتر بێت له‌و كاته‌ی كه تیمه‌كانی به‌هه‌وارداچوون ده‌گه‌نه ئه‌و ناوچانه‌ی كه كه‌وتونه‌ته به‌ر كاره‌ساته‌كه.

سه‌رۆكی پاكستانی په‌رویز موشه‌ره‌ف ئه‌مرۆ یه‌كشه‌ممه سه‌ر‌‌ه‌دانی ناوچه وێرانبووه‌كانی كرد و داوای له كۆمه‌لگای نێونه‌ته‌وه‌یی كرد یارمه‌تی و هاوكاری دراوی بده‌نه ووڵاته‌كه‌ی.

له هندستانیش، كاربه‌ده‌ستان ده‌لێن زیاتر له پێنج سه‌د و په‌نجا كه‌س له ئه‌نجامی بومه‌له‌رزه‌كه‌ی شه‌ممه كوژراون، و زۆربه‌ی قوربانیان له كشمیری ژێر ده‌سه‌لاتی هندستانن.

سه‌رۆك وه‌زیری هندستان مانمۆهان سینگ به ته‌له‌فۆن په‌یوه‌ندی به سه‌رۆكی پاكستانی كردووه‌و هه‌ردووكیان پێشنیازی یارمه‌تی دانی ووڵاتی ئه‌وی تری كردووه.

XS
SM
MD
LG