Accessibility links

به‌لایه‌نی كه‌مه‌وه بیست‌و دوو كه‌س له عیراق ده‌كوژرێن


ده‌سه‌‌لاتدارانی عیراقی ده‌لێن ئه‌مرۆ هه‌ینی به‌لایه‌نی كه‌مه‌وه بیست‌و دوو كه‌س له به‌غدا و ده‌وروبه‌ری كوژران.

له باكووری به‌غدا و شارۆچكه‌ی توزخورماتو، پۆلیس رایگه‌یاند كه‌وا هێرشبه‌رێكی خۆكوژ ئۆتۆمبیله‌كه‌ی له ده‌ره‌وه‌ی مزگه‌وتێكی شیعه ته‌قانده‌وه‌ و به‌لایه‌نی كه‌مه‌وه‌ ده كه‌سی كوشت‌و زیاتر له بیست كه‌سی تری بریندار كرد.

پۆلیس هه‌روه‌ها ده‌ستگیركردنی پیاوێكی سعودی راگه‌یاند كه‌وا بۆمبی به خۆی به‌ستبوو و به نیازبوو هێرشی دووه‌م ئه‌نجام بدات.

له به‌غداو ده‌وروبه‌ری، له ئه‌نجامی زنجیره‌یه‌ك هێرش و ته‌قینه‌وه به‌لایه‌نی كه‌مه‌وه دوازده كه‌س كوژران.

XS
SM
MD
LG