هێرشبه‌رێكی خۆكوژ ئۆتۆمبیله‌كه‌ی له ده‌ره‌وه‌ی بنكه‌یه‌كی پۆلیس له شاری تكریت ته‌قانده‌وه و به‌لایه‌نی كه‌مه‌وه پێنج كه‌سی كوشت و زیاتر له دوازده كه‌سی تری بریندار كرد.
هه‌روه‌ها له به‌غدا به‌لایه‌نی كه‌مه‌وه پێنج عیراقی، كه هه‌ندێكیان سه‌رباز و كارمه‌ندی حكومه‌ت بوون، له چه‌ند هێرشێكدا كوژران.
له باشووری ووڵاتیش، به‌ده‌یان هاووڵاتی شاری سه‌ماوه خۆپیشاندانێكیان ئه‌نجامدا بۆ ده‌ربرینی ناره‌زایی به‌رامبه‌ر به كه‌موكوڕی له خزمه‌تگوزاریه گشتیه‌كان.