پۆلیسی نەرویژی لە ئۆسلۆ دەستی بەسەر ئەو مەتریاڵانەدا گرتووە کە لە کەرەستەی تەقینەوە دەچن و کەسێکیشیان دەستگیر کردووە. وەک پۆلیس دەڵێت ئەم کەرەستانە لەوانە بوو زیانێکی سنوورداریان هەبێت و هێچ زانیارییەکیشیان لەسەر گومانبارە دەستگیرکراوەکە نەداوە.
ئەو ناوچەیەی شاری ئۆسلۆ کە سندوقی کەرەستەکانی تیادا دۆزراوەتەوە خەڵکی سەر بە نژادە جیاوازەکان تیایدا دەژین و ژمارەیەک بازاڕو چێشتانەی ناوداری تیادان و هەروەهاش ژمارەیەک مزگەوتیش لەو ناوچەیە هەن. بێ لەوانەش بارەگای سەرەکی هێزی پۆلیسی شارەکە لەوێیە. دەزگای پۆلیسی ئاسایشی نەرویژ دەڵیت دەستی کردووە بە لێکۆڵینەوەکانی خۆی لەسەر ئەم ڕووداوە.