Accessibility links

CPJ: لە ئێستادا 81 ڕۆژنامەوان لە زیندانەکانی تورکیادان


کۆمیتەی پاراستنی ڕۆژنامەوانان (CPJ) لە سەر ئازادکردی 21 ڕۆژنامەوانی کە لە زیندانەکانی تورکیادا بوون بەیاننامەیەکی دەرکردووە.

CPJ دەڵێت سەرەڕای ئازاد کردنیان بەڵام لێکۆڵینەوەکان لەسەر ئەو تاوانانەی خراوەتە پاڵیان هەر بەردەوامە و ئەوان ناتوانن بچنە دەرەوەی تورکیا و دەبێت بۆ مۆرکردنی ناوەکانیان بەردەوام بچنە بنکەکانی پۆلیس.

ڕێکخەری CPJ ی ئەوروپا و ناوەڕاستی ئاسیا نینا ئۆگنیانۆڤا دەڵێت لەو بەیاننامەیەدا داوا لە تورکیا دەکەن کە هەمو ڕۆژنامەوانەکان ئازاد بکات و دۆسێکانیشیان پوچەڵ بکاتەوە.

ئۆگنیانۆڤا گوتیشی " ئەو فشارەی کە لە تورکیا لەسەر میدیا هەیە لە هیچ شوێنێکی جهیان نییە کە هاووڵاتیانی ناتوانن لە بابەتە گرنگەکاندا دەنگوباسی بێ لایەن ببیستن."

CPJ ئاشکراشی کرد کە لە ئێستادا 81 ڕۆژنامەوان لە زیندانەکانی تورکیادان.



XS
SM
MD
LG