Accessibility links

دکتۆر جەعفەر عەلی: خۆ بە خاوەن زانینی ڕاپەڕین بەشێکە لە ڕەفتاری سیاسی پارتی و یەکێتی

  • Balen Salih

دکتۆر جەعفەر عەلی

بیست و شەشەمین ساڵیادی ڕاپەڕین لە هەرێمی کوردستانی عێراق لە نێوەندی قەیرانی سیاسی و دارایی و ئاسایشیی هەرێمەکەدایە.

ئەگەر پێشتر بەر لە ڕۆژی ڕاپەڕین هاوڕاییەک هەبووبێت لە نێو لایەنە سیاسییەکاندا بۆ ڕاپەڕین بەڵام ئێستا وەک دەگوترێت ڕووبەری ناکۆکییەکانی نێوان لایەنە سیاسییەکان زۆر بەرینترە.

دکتۆر جەعفەر عەلی، پسپۆڕ و شیکەرەوەی سیاسی دەڵێت ئەو هاوڕاییەی بەر لە ڕاپەڕین هەبووە لە نێوان لایەنەکاندا وەک جۆرێک لە لێکنزیکبوونەوەی ستراتیژی و لێکنزیکبوونەوە لەسەر بنچینەی تێگەیشتن لە بەرژەوەندی گشتی نەبووە یانیش وەک دەڵێت ئەو لێکنزیکبوونەوەیەی هەبووە تەنانەت لەسەر بنچینەی تێگەیشتنی هاوبەشیش نەبووە لە هزری نەتەوەیی، دەشڵێت ڕەنگە دۆخێکی ناچاری لە پێش ڕاپەڕیندا کۆی کردبنەوە.

دکتۆر جەعفەر ئاماژەش بەوە دەکات دەبوایە ئەرکی ڕاپەڕین هەر تەنها لە گۆڕینی دەموچاوەکان و گۆڕینی ڕەگەزێک بە ڕەگەزێکی تر سنوردار نەکرایە چونکە ئەمە هیچ شتێک لە دۆخە گشتییەکە ناگۆڕێت ئەگەر کار لەسەر کرۆکی سیستەمەکەدا نەکرێت و دەشڵێت دەبوایە ڕاپەڕین نەوەستێت و بەردەوام بێت بۆ سڕینەوەی فەرهەنگی بەعس و هەروەهاش بۆ نەهێشتنی ستەمکاری بە زمانێکی تر وە بە بەرگێکی ترەوە.

بەڵێن ساڵح وتووێژی لەگەڵ دکتۆر جەعفەر عەلی پسپۆر و شیکەرەوەی سیاسی کردووە.

زانیاری زیاتر لە دەقی وتووێژەکەدایە:

XS
SM
MD
LG