Accessibility links

بەهۆی هێرشی یاخیبوان لە سوریا 42 کەس دەکوژرێن


بەهۆی دوو تەقینەوە لە شاری حومسی ڕۆژئاوای سوریا ڕۆژی شەممە بەلایەنی کەم 42 کەس کوژران لە ناویاندا کاربەدەستێکی باڵای زانیاری.

کۆمەڵەی چاودێری مافەکانی مرۆڤی سوریایی بنکە لە بەریتانیا دەڵێت بەلایەنی کەم 6 هێرشبەر لە نزیک هەردوو بنکەی ئاسایشی هەرێمی و هەواڵگری لەشکری خۆیان تەقاندۆتەوە.

ڕێکخراوێکی سەر بە ئەلقاعیدە بەرپرسیارێتی ئەو هێرشانەی گرتۆتە ئەستۆ و دەڵێت 5 لە ملیتانەکانی هوروژمیان بردووە بۆ ناوچەیەکی پڕ لە ئاسایشی ناوەندی حومس.

بۆ نزیکەی 3 ساڵە حومس بە تەواوەتی لە دەستی حکومەتدایە.

ڕۆژی هەینیش لە باکوری سوریا دوو ئۆتۆمبێلی بۆمبڕێژ کراو بەلایەنی کەم 65 کەسیان کوشت.

داعش بەرپرسیارێتی یەکەم هێرشی لە ئەلباب گرتە ئەستۆ و دەڵێت 8 سەربازی تورک و 60 چەکداری سەرهەڵدوانی کوشتووە.

شارەزایان دەڵێن لە کاتێکدا داعش ئەلباب لەدەست دەدات، ئەو گروپە تیرۆرستە پشت بەم جۆرە هێرشانە دەبەستێت بۆ ئەوەی توانای خۆی دژ بە هێزەکانی تورکیا و سەرهەڵداوانی سوریا دەربخات.

XS
SM
MD
LG