Accessibility links

ئۆفیسی مافەکانی مرۆڤی نەتەوە یەکگرتووەکان ڕەخنە لە لێخۆشبوونی سەربازانی ئیسرائیل دەگرێت


ئۆفیسی مافەکانی مرۆڤی نەتەوە یەکگرتووەکان ڕادەگەیەنێت نیگەرانییەکی قوڵی هەیە لەمەڕ سزای کەمی 18 مانگی زیندان لەلایەن دادگای لەشکری تەل ئەڤیڤ دژ بەو سەربازە ئیسرائیلیەی کە هێرشبەرێکی فەلەستینی کوشت لە کاتێکدا زۆر بە خراپی بریندار بوبوو و لە سەر زەوی ڕاکشابوو.

گوتەبێژی ئەو ئۆفیسەی مافەکانی مرۆڤ ڕەڤینا شەمداسانی ڕەخنەی لە کولتوری درێژخایانی لێخۆشبوونی ئیسرائیل گرت بۆ سەربازان کاتێک کە دێتە سەر ناکۆکی لەگەڵ فەلەستینییەکاندا.

ئیلۆر ئازەریای سەربازی ئیسرائیلی ڕۆژی سێشەممە ئەو سزایە درا بەهۆی کوشتنی عەبدولفەتاح ئەلشەریف کە پاش ئەوەی بە چەقۆ لە سەربازێکی دا بوو بریندار کرا لە شاری هیبرونی کەناری ڕۆژئاوا.

شەمداسانی گوتی لە مانگی 9 ی ساڵی 2015وە زیاتر لە 200 کەسی فەلەستینی لە کەناری ڕۆژئاوا لەلایەن هێزی ئاسایشی ئیسرائیلیەوە کوژراون ، و ئازاریا تەها سەرباز بووە کە بەهۆی کوشتنی کەسێک دادگایی کرابێت.

XS
SM
MD
LG