دکتۆر جەبار قادر دەڵێت کۆماریەکان بەرامبەر پرۆگرامی ئەتۆمی ئێران هەر لە سەرەتاوە توند بوون . ئەوە بوو دۆناڵد ترەمپ ی سەرۆکی نوێی ئەمەریکا هەر لە میانەی هەڵمەتی بانگەشی سەرۆکایەتیدا باسی لە هەڵوەشاندنەوەی رێکەوتنی ئەتۆمی نێوان زلهێزانی جیهان و تارانی دەکرد. بەشێکی ئەم هەڵوێستە نوێیەی ترەمپ بەرامبەر تاران پەیوەندی بەو هاوپەیمانێتییەی نێوان ئەمەریکا و ئیسرائیلەوە هەیە. سەبارەت بە هاوپێچنەکردنی ناوی هەندێک وڵات لەوانە سعودیە لە نێو لیستی ئەو وڵاتانەی قەدەغەی هاتنیان بۆ ئەمەریکا لێکراوە دەڵیت ؛ بەراستی ئەو مەسەلەیە بووتە مایەی سەرسوڕمانی زۆرێک لە خەڵکان لە سەرانسەری جیهاندا و دەڵێت هەرچی بێت پاساوی بەرێوەبەرایەتی دۆناڵد ترەمپ لەو بارەیەوە ، ناتوانێت قەناعەت بەو خەڵکانە بێنێت. تەواوی ئەم گفتووگۆیەی سمکۆ عەزیز لە دەنگی ئەمەریکاوە لەگەڵ دکتۆر جەبار قادر پسپۆڕی کاروباری سیاسی خۆرهەڵاتی ناوەڕست سازیداوە لەم فایلە دەنگیەدا دەبیستن.
